Senatta Soltústik Makedonııamen halyqaralyq sharttardy ratıfıkatsııalaý máselesi qaralady
NUR-SULTAN. QazAqparat - Senat Soltústik Makedonııamen halyqaralyq sharttardy ratıfıkatsııalaýǵa qatysty zań jobalaryn qarastyrady, dep habarlaıdy QazAqparat.
QR Parlamenti Senatynyń Bıýro músheleri aǵymdaǵy jyldyń 22 sáýirinde ótetin Palata otyrysynyń kún tártibin bekitti. Osylaısha, depýtattar Qazaqstan Respýblıkasy men Soltústik Makedonııa Respýblıkasy arasyndaǵy adamdardy ustap berý týraly shartty ratıfıkatsııalaý boıynsha zań jobasyn qaraıdy.
Otyrystyń kún tártibine Qazaqstan men Soltústik Makedonııa arasyndaǵy qylmystyq ister boıynsha ózara quqyqtyq kómek týraly shartty ratıfıkatsııalaý týraly zań jobasy da engizildi. Onyń qabyldanýy qylmystyq ister boıynsha ózara quqyqtyq kómek kórsetý tártibin belgileýge, sondaı-aq eki el arasyndaǵy qylmysqa qarsy kúres salasyndaǵy ózara is-qımyldy arttyrýǵa múmkindik beredi.
Sondaı-aq, Senat otyrysynda depýtattar «Qazaqstan Respýblıkasy men Soltústik Makedonııa Respýblıkasy arasyndaǵy sottalǵan adamdardy berý týraly shartty ratıfıkatsııalaý týraly» zań jobasyn qaraıdy. Bul shartta quzyretti organdardyń ózara is-qımyl jasaý tártibi, suraý salýdyń sharttary, nysany men mazmuny, aqparat almasý, sottalǵan adamnyń tranzıti jáne sottalǵan adamdy berýge baılanysty týyndaǵan shyǵyndarǵa baılanysty normalar kózdelgen.
Sonymen qatar, Bıýro músheleri Májilisten kelip túsken birqatar zań jobalaryn turaqty komıtetter arasynda bóldi.
