Senatta salyq salý týraly Qazaqstan-Ázerbaıjan konventsııasyna túzetýler talqylandy

ASTANA. QazAqparat - Parlament Senaty Qarjy jáne bıýdjet komıtetiniń keńeıtilgen otyrysynda  «1996 jylǵy 16 qyrkúıektegi Qazaqstan Respýblıkasynyń Úkimeti men Ázerbaıjan Respýblıkasynyń Úkimeti arasyndaǵy tabys pen múlikke qosarlanǵan salyq salýdy boldyrmaý jáne salyq tóleýden jaltarýǵa jol bermeý týraly konventsııaǵa ózgerister men tolyqtyrýlar engizý týraly Qazaqstan Respýblıkasynyń Úkimeti men Ázerbaıjan Respýblıkasynyń Úkimeti arasyndaǵy hattamany ratıfıkatsııalaý týraly» zań jobasy qaraldy. Bul týraly palatanyń baspasóz qyzmetinen habarlady.  

Hattamamen «Qazaqstan», «Ázerbaıjan» degen termınderge ózgerister engizildi, sondaı-aq qoldanystaǵy zańnamaǵa sáıkes olarǵa Konventsııa qoldanylatyn Qazaqstan jáne Ázerbaıjan salyqtarynyń ataýlary naqtylandy. Jańa mátinde ýaǵdalasýshy memleketterde rezıdenttikti aıqyndaýdy jáne turaqty mekeme qurý tártibin retteıtin baptardyń erejeleri naqtylandy.

Salyq qyzmetteriniń arasyndaǵy yntymaqtastyqty keńeıtý jáne EYDU-nyń modeldik konventsııasyna sáıkes keltirý maqsatynda «Qosarlanǵan salyq salýdy joıý» jáne «Aqparat almasý» degen baptarǵa túzetýler engizildi. «Jeńildikterdi shekteý» degen jańa bap kózdelýde, ol salyqtyq jaltarýlar jáne Konventsııanyń erejelerin teris paıdalanýlar anyqtalǵan kezde ishki zańnamany qoldanýǵa múmkindik beredi.

Zań jobasy palatanyń qaraýyna jiberildi.