Senatta ruqsat berý júıesin jetildirýge arnalǵan zań jobasy talqyǵa tústi
ANA. 14 naýryz. QazAqparat /Qanat Mámetqazyuly/ -Búgin QR Parlamenti Senaty Ekonomıkalyq jáne óńirlik saıasat komıtetiniń keńeıtilgen otyrysy bolyp ótti.
Onda depýtattar «QR keıbir zańnamalyq aktilerine ruqsat berý júıesin jetildirý máseleleri boıynsha ózgerister men tolyqtyrýlar engizý týraly» zań jobasy talqylandy.
Atalǵan zań jobasy ruqsat berý salasyndaǵy zańnamany odan ári jetildirýge arnalyp otyr. Esterińizge sala keteıik, Memleket basshysynyń joldaýlarynda Úkimetke ákimshilik reforma sheńberinde bızneske túsetin ákimshilik júktemeni batyl azaıtý, ruqsat berý júıesin, eń aldymen lıtsenzııalaýdy, sertıfıkattaýdy, akkredıtteýdi odan ári ońaılatýdy tapsyrǵan bolatyn. Osy maqsatty júzege asyrý úshin atalǵan zań jobasy ázirlengen. Zań jobasymen 54 zańnamalyq aktige, onyń ishinde 5 kodeks pen 49 zańǵa ózgerister engiziledi. Engizilgen ózgerister jekelegen ruqsat berý qujattaryn berý jónindegi normalardy, artyq talaptardy, zańnamalyq aktiler normalarynyń arasyndaǵy qaıshylyqtardy alyp tastaýǵa septigin tıgizedi. Budan bólek, qujatta lıtsenzııa berý merzimin qysqartýǵa, qyzmet túrleriniń ataýlaryn ózgertý jolymen jekelegen qyzmet túrlerin lıtsenzııalaý jónindegi talaptardyń qoldanylý salasyn yqshamdaýǵa baǵyttalǵan normalar qamtylady.
Esterińizge sala keteıik, atalǵan zań jobasy buǵan deıin birinshi oqylymda maquldanǵan bolatyn.
