Senatta Qazaq Oxford Dictionary sózdigi tanystyryldy
ASTANA. Kazinform - Búgin Senatta Qazaq Oxford Dictionary sózdiginiń tanystyrylymy ótti.
«Bul — Prezıdenttiń tapsyrmasymen Ulttyq aýdarma bıýrosy mamandary 4 jyldan astam ýaqyttyń ishinde arnaıy ázirlegen sózdik. Ony qazaq tiliniń mártebesin halyqaralyq deńgeıge bıiktetetin, onyń qýatyn, tildik aınalystaǵy, qoldanystaǵy áleýetin kórsetetin eńbek dep baǵalaýǵa bolady. Memlekettik tildiń Oxford sózdikteriniń qataryna ilinýi, oǵan 60 myńnan astam sózdik iriktelip, ǵylymı negizde berilýi — zor mártebe. Bul jumysqa Ahmet Baıtursynuly atyndaǵy Til bilimi ınstıtýtynyń ǵalymdary zor úles qosty», — dedi Senat depýtaty Nurtóre Júsip sózdiktiń tanystyrylymynda.
Іs-shara barysynda joba jetekshisi Halyqaralyq «Qazaq tili» qoǵamdyq birlestiginiń prezıdenti Raýan Kenjehanuly sózdiktiń qalaı ázirlengendigine toqtaldy.
«Álemde aýdarma sózdikterdi daıyndaý barysynda, ásirese ózge tilderdi aǵylshyn tilimen baılanystyrýda eń bedeldi, eń tájirıbeli uıym — Oxford baspasy. 150 jyldan beri sózdik daıyndap, soǵan mamandanǵan», — dedi Raýan Kenjehanuly.
Onyń atap ótýinshe, ózdik qurastyrý aıasynda qazaq jáne aǵylshyn tili leksıkasyndaǵy ózgerister, ásirese qazirgi mádenıet, aqparattyq tehnologııalar, medıtsına, ekonomıka, qarjy men saýda salalaryndaǵy jańalyqtar eskerildi.
Sondaı-aq sózdikte aǵylshyn jáne qazaq tilderiniń grammatıkasy men dybystaý, emle erejeleri túsindiriletin qysqasha nusqaýlyqtar, qazaq tilindegi iskerlik jáne elektrondy hat-habar jazý úlgileri berildi.
