Senatta Orys tili jónindegi halyqaralyq uıym qurý týraly shart ratıfıkatsııalandy
ASTANA. KAZINFORM – Senat otyrysynda «Orys tili jónindegi halyqaralyq uıymdy qurý týraly shartty ratıfıkatsııalaý týraly» zań maquldandy.
2022 jyly 14 qazanda Sankt-Peterbýrgtegi beıresmı TMD Sammıtinde Memleket basshysy Qasym-Jomart Toqaev orys tili boıynsha halyqaralyq uıym qurý bastamasyn usyndy, ony 6 eldiń memleket basshylary qoldady.
2023 jyly 13 qazanda Bishkekte TMD memleketteri basshylary keńesiniń otyrysynda Belarýs, Qazaqstan, Qyrǵyzstan, Reseı, Tájikstan jáne Ózbekstan kóshbasshylary orys tili boıynsha halyqaralyq uıym qurý týraly shartqa qol qoıdy.
Senat depýtaty, Halyqaralyq qatynastar, qorǵanys jáne qaýipsizdik komıtetiniń tóraǵasy Andreı Lýkınniń aıtýynsha, uıymnyń negizgi mindetteri orys tili men Dostastyqqa qatysýshy memleketterdiń, sondaı-aq basqa elder tilderiniń tyǵyz úılesimi negizinde mádenı-gýmanıtarlyq yntymaqtastyqty saqtaý jáne nyǵaıtý.
Uıymnyń joǵary organy Mınıstrlik konferentsııasy bolady, onyń quramyna shart taraptarynyń beıindi mınıstrlikteriniń basshylary nemese shart tarapy ýákilettik bergen mınıstrden tómen emes mártebedegi ózge tulǵa kiredi.
Uıymnyń esepterin, úlestik jarnalardy bekitýdi, uıymdy tekserý máselelerin, hatshylyqtyń sanyn aıqyndaýdy jáne hatshylyqtyń eńbegine aqy tóleý tártibin konferentsııa shart taraptarynyń úkimetterimen kelisim boıynsha qabyldaıdy.
Bul shart Belarýs, Qyrǵyzstan, Reseı, Tájikstan jáne Ózbekstanda kúshine endi. Qazaqstanda jaýapty memlekettik organ bolyp QR Ǵylym jáne joǵary bilim mınıstrligi taǵaıyndaldy.
Shartty iske asyrý respýblıkalyq bıýdjetten qosymsha shyǵyndardy talap etedi. Bul rette shyǵystardyń jalpy somasy 2025-2027 jyldarǵa 131 064 000 teńgeni quraıdy. Bul shyǵystar respýblıkalyq bıýdjet komıssııasynyń sheshimimen maquldanǵan.
