Senatta óńirlerdiń kúnderin ótkizý bastalady
NUR-SULTAN. QazAqparat – Senatta óńirlerdiń kúnderin ótkiziledi. Bul týraly Parlamenti Senatynyń Tóraǵasy Darıǵa Nazarbaeva málim etti, dep habarlaıdy QazAqparat tilshisi.
«Osy jyly 80-ge jýyq is-shara ótkizýdi josparlap otyrmyz. Alǵashqy ret Senatta óńirlerdiń kúnderin ótkizemiz, keste bar jáne jospar bekitildi. Máslıhattar, aımaqtarmen ózara baılanys ornatýǵa baǵyttalǵan bul sharalar júıeli túrde ótkizilip turatyn bolady», - dedi D. Nazarbaeva Senattyń jalpy otyrysynda.
Onyń sózine qaraǵanda, budan ózge «Qazaqstandaǵy jeńil ónerkásip jaǵdaıy», «Agroónerkásiptik keshendi damytý», «Qazaqstannyń tranzıttik áleýetin damytý» taqyryptaryndaǵy parlamenttik tyńdaýlar ótkizýge daıyndyq jumystary bastaldy
«Qazirgi tańda Senatta Senatorlar keńesi, Bıýdjet zańnamasyn jetildirý jónindegi keńes, Zań shyǵarý protsesin jetildirý jónindegi keńes, Jergilikti ókildi organdarmen (máslıhattarmen) ózara is-qımyl jasaý jónindegi keńester bar. Jaqynda parlamenttik tyńdaýǵa daıyndyq aıasynda aýyl sharýashylyǵy salasynyń ókilderimen birqatar jumys kezdesýlerin ótkizdim. Endi osy salanyń problemalaryn kásibı túrde keńinen talqylaý úshin Senat janynan Agroónerkásip kesheni jónindegi keńes qurý josparda bar», - dedi D. Nazarbaeva.
Sonymen qatar, jeltoqsan aıynda Qazaqstan Respýblıkasy Parlamenti Senatynyń janynan alǵashqy ret Jastar Keńesin quryldy. Ol konsýltatıvtik-keńesshi organ bolyp otyr jáne jastar saıasaty salasynda zańnamany jetildirý boıynsha usynystardy qaraıdy.
