Senatta Muhambet Kópeevtiń qatysýymen dinı qyzmet pen dinı birlestikter týraly zań jobalarynyń tanystyrylymy boldy
ASTANA. 21 qyrkúıek. QazAqparat - Búgin Parlament Senatynda palata tóraǵasynyń orynbasary Muhambet Kópeevtiń qatysýymen «Dinı qyzmet pen dinı birlestikter týraly» jáne «Qazaqstan Respýblıkasynyń keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý týraly» zań jobalarynyń tanystyrylymy boldy,
dep habarlaıdy baspasóz qyzmeti. Sharaǵa Áleýmettik-mádenı damý komıtetiniń tóraǵasy Aqan Bıjanovtyń tóraǵalyq etti.
Depýtattar aldynda Din isteri agenttiginiń tóraǵasy Qaırat Lama Sharıf sóz sóıledi.
Osy saladaǵy zańnamany jetildirý qajettigi Qazaqstan Respýblıkasy Prezıdentiniń 2006 jylǵy 26 shildedegi Jarlyǵymen bekitilgen Azamattyq qoǵamdy damytýdyń 2006-2011 jyldarǵa arnalǵan tujyrymdamasynda belgilengenin aıta kelip, Q.Lama Sharıf talqylanyp otyrǵan jobalarǵa jan-jaqty toqtaldy.
Tanystyrylym barysynda Din isteri agenttiginiń tóraǵasy dinı birlestikterdiń qyzmeti salasyn anyq reglamentteý, dinı qatynastar salasynda zańnama normalaryn buzǵany úshin quqyqtyq jaýapkershilikti belgileý, sondaı-aq memlekettik-konfessııalyq qatynastardy jetildirý salasynda memlekettik organdardyń júıeli qyzmetin uıymdastyrýǵa qatysty depýtattardyń saýaldaryna jaýap berdi.
