Senatta memlekettik qyzmettegi jemqorlyqty joıýǵa qatysty zań jobasy talqylandy

NUR-SULTAN. QazAqparat – Senatta «Memlekettik qyzmet jáne sybaılas jemqorlyqqa qarsy is-qımyl jónindegi QR zańnamalyq aktilerine keıbir tolyqtyrýlar men ózgertýler engizý týraly» zań jobasy talqylandy, dep habarlaıdy QazAqparat tilshisi.

Hattama memlekettik qyzmetke qabyldaý úshin ótetin konkýrstyq protsedýralardy ońtaılandyryp, memlekettik qyzmetshilerdiń synaq merzimin ótý tártibin jeńildetýge, «memlekettik qyzmetke jańadan qabyldandanǵandar» túsinigin anyqtaýǵa baǵyttalǵan.

«Zań jobasynda «A» jáne «B» korpýstarynda básekelestikten tys taǵaıyndaý úshin talaptar kúsheıtilgen. Barlyq túzetýler memlekettik qyzmetke kirý, ótý protsedýralaryn jeńildetýge jáne shamadan tys bıýrokratııany joıýǵa, sonymen qatar, memlekettik qyzmetshilerdiń jeke jaýapkershiligin joǵarylatýǵa baǵyttalyp otyr. Sybaılas jemqorlyqqa qarsy is-qımyl máseleleri jónindegi jaqynda ótken keńeste Prezıdent aıtqan tapsyrmalardy iske asyrý maqsatynda birinshi basshylardyń ózderine tikeleı baǵynystaǵy adamdardyń sybaılas jemqorlyq quqyq buzýshylyqtar jasaǵany úshin derbes tártiptik jaýaptylyqty engizýdi, sondaı-aq jergilikti organdardan bastap ortalyq organdarǵa deıin normatıvtik-quqyqtyq akt jobalarynyń ǵylymı sybaılas jemqorlyqqa qarsy saraptama ınstıtýtyn qaıtadan qalyptastyrý usynylyp otyr», - dedi QR Parlamenti Májilisiniń depýtaty Ersultan Bekturǵanov Parlament Senaty Konstıtýtsııalyq zańnama, sot júıesi jáne quqyq qorǵaý organdary jónindegi komıtettiń keńeıtilgen otyrysynda.

Talqylaýdan keıin komıtet músheleri atalǵan zań jobasyn Senattyń jalpy otyrysynyń qaraýyna shyǵarý týraly sheshimdi qabyldady.