Senatta M.Kópeevtiń qatysýymen ákimshilik ádiletiniń qalyptasý máseleleri taqyrybyna arnalǵan halyqaralyq ǵylymı-tájirıbelik konferentsııa boldy

Sharaǵa Zańnama jáne quqyqtyq máseleler komıtetiniń basshysy B.Imashev tóraǵalyq etti, dep habarlaıdy Senattyń baspasóz qyzmeti.

Germanııanyń tehnıkalyq yntymaqtastyq jónindegi qoǵamynyń járdemimen uıymdastyrylǵan talqylaýǵa Parlament depýtattary, elimizdiń Konstıtýtsııalyq Keńesiniń Tóraǵasy I.Rogov, Joǵarǵy Sottyń, halyqaralyq zań qoǵamdastyǵynyń, ǵylymı orta men qoǵamdyq uıymdardyń ókilderi qatysty.

Otyrysty asha kelip M.Kópeev konferentsııaǵa qatysýshylarǵa ekonomıkany tabysty damytý men memlekettiń syrtqy qaterlerdegi ornyqtylyǵyn arttyrý úshin ahýal qalyptastyratyn quqyqtyq orta jasaýdaǵy Prezıdent N.Nazarbaevtyń Joldaýynda alǵa qoıǵan mindetter aıasynda osy máseleniń talqylanýy mańyzdy ekenin atap ótti.

«Ulttyq quqyqtardy jetildirýdegi mańyzdy baǵyttardyń biri ákimshilik reformalardy júrgizý, ákimshilik is-júrgizý quqyqtarynyń múmkindikterin keńeıtý»,-dedi tóraǵa orynbasary.

Ákimshilik is júrgizý zańnamalaryn retteý máselelerine qatysty M.Kópeev «memleket pen azamat arasyndaǵy jarııa quqyqtyq qatynastardan týyndaıtyn quqyq týraly daýlardy sheshetin ádilet ákimshiligin jasaý jumystarynyń ózektiligin» atap ótti.

Onyń aıtýynsha, jeke adam men memleket arasyndaǵy daýlardy sotpen sheshýdiń jańa úlgisin qalyptastyrýǵa, ádilet ákimshiligi salasyn retteıtin normatıvtik-quqyqtyq baza jasaýǵa Ákimshilik quqyq buzýshylyq jáne Ákimshilik is júrgizý kodeksteriniń jobalary baǵyttalyp otyr.

«Qoldanystaǵy zańnamamen salystyrǵanda bul qujattardaǵy ákimshilik quqyqtardyń retteýshilik áleýeti eleýli túrde keńeıtetin bolady»,-dep atap ótti tóraǵanyń orynbasary.

Adam quqyn saqtaý jáne qamtamasyz etý salasyndaǵy ákimshilik quqyqtardyń ereksheligin, osy isti oryndaýdaǵy ákimshilikterdiń (atqarýshy jáne jergilikti ózin-ózi basqarý) rolin atap óte kelip M.Kópeev bul talqylaýlar osy saladaǵy qoldanystaǵy quqyqtardy jetildirýge baǵyttalǵan syndarly usynystar ázirleýge múmkindik beretinine senim bildirdi.

Talqylaý barysynda sóz alǵan Konstıtýtsııalyq Keńestiń tóraǵasy I.Rogov Qazaqstanda ádilet ákimshiligin qalyptastyrýdyń mańyzdylyǵyn atap óte kelip, Ákimshilik quqyq buzýshylyq týraly jáne Ákimshilik is júrgizý kodeksteriniń jobalaryn ázirleý jáne qaraý máseleleri boıynsha pikirsaıystyń mańyzdylyǵyn, olardyń Quqyqtyq saıasat tujyrymdamasy men Memleket basshysy Joldaýynda belgilengen quqyq qorǵaý júıesin jetildirý baǵyttaryna sáıkestigin atap ótti.

Qazaqstandaǵy quqyqtyq saıasatty izgilendirýdegi memlekettik ınstıtýt retinde ádilet ákimshiliginiń roline toqtala kelip Zańnama jáne quqyqtyq saıasat komıtetiniń hatshysy S.Aqylbaı «Ákimshilik is-júrgizý kodeksin qabyldaý ákimshilik-is júrgizý quqyqtary damýynyń shyńy» dep atady.

Ákimshilik zańnamany damytý salasyndaǵy alda turǵan mindetterdi eskere otyryp depýtat Ákimshilik is júrgizý, Ákimshilik quqyq buzýshylyq kodeksteri jobalarynyń, «Qazaqstan Respýblıkasynyń keıbir zańnamalyq aktilerine ákimshilik is júrgizý máseleleri boıynsha ózgerister men tolyqtyrýlar engizý týraldy» zańnyń erejeleri boıynsha tujyrymdamalyq turǵysyndaǵy pikirsaıystar boıynsha oılarymen bólisti.

S.Aqylbaıdyń pikiri boıynsha, «pikirsaıys barysynda ákimshilik-is júrgizý zańnamasyn aıqyndaý asa mańyzdy, ol Qazaqstan Respýblıkasynyń 2010-2020 jyldarǵa arnalǵan Quqyqtyq saıasat tujyrymdamasynda da atalyp ótilgen bolatyn».

Tujyrymdamanyń erejelerine sáıkes, aldaǵy ýaqytta qoldanylyp júrgen ákimshilik sottarynyń negizinde ádilet ákimshiligi júıesi jasalatyndyqtan, jalpy zańdylyq aıasyndaǵy sottardyń ishki bólinisinde ákimshilik quqyq buzýshylyq týraly isterdi berý josparlanyp otyrǵanda ákimshilik-is júrgizý zańnamasynyń negizi ákimshilik daýlary boıynsha isterdi qarastyratyn ádilet ákimshiligi bolýǵa tıis,-dedi depýtat.

Konferentsııada EQYU-nyń Astanadaǵy Ortalyǵynyń basshysy A.Kelchevskıı, Bremen (Germanııa) ýnıversıtetiniń professory R.Knıper, Armenııa Respýblıkasynyń Ákimshilik sotynyń tóraǵasy T.Mýkýchıan, Grýzııa Joǵarǵy sotynyń ákimshilik isteri palatasynyń sýdıasy N.Shırtladze ákimshilik is júrgizý óndirisiniń qaǵıdalary, ákimshilik sottaryn qurý jáne onyń qyzmeti týraly oılarymen bólisti. Elimizdiń Joǵarǵy sotynyń sýdıasy N.Mamontov, Voronej memlekettik ýnıversıtetiniń ákimshilik quqyǵy kafedrasynyń professory ıÝ.Starılov, Qazaqstan Respýblıkasynyń adam quqy jónindegi ýákili A.Shákirov, Maks Plank atyndaǵy (Germanııa) salystyrmaly jarııa quqyq jáne halyqaralyq quqyq ınstıtýtynyń ǵylymı qyzmetkeri M.Hartvıg jáne basqalar ÁІJK-niń jekelegen erejelerine nazar aýdardy.