Senatta LGBT-ny nasıhattaýǵa tyıym salatyn norma qaralady — mınıstrlik

ASTANA. KAZINFORM — Mádenıet jáne aqparat mınıstrligi LGBT-ny nasıhattaýǵa tyıym salatyn zań normasyna qatysty pikir bildirdi.

Aıta keteıik, bıyl 4 jeltoqsanda Senattyń baspasóz qyzmeti LGBT-ny nasıhattaýǵa tyıym salatyn qujatty talqylaýdy keıinge qaldyrylǵanyn málimdedi.

— LGBT-ny nasıhattaýǵa tyıym salatyn normalar túrli zańdardy qamtıdy. Bul turǵyda qaralatyn qujattardyń aýqymyn eskerý kerek. Senat bastapqyda kún tártibine engizgen edi, biraq sodan keıin keıinirek qaraý týraly sheshim qabyldady. Alaıda bul jaǵdaıdy keıbiri Eýropalyq Keńes ókilderiniń Qazaqstanǵa saparymen baılanystyryp jatty. Atap aıtqanda, bul zań osy normalarmen qabyldanady. Qujatta adamdardyń quqyqtary shektelip jatqan joq, — delingen mınıstrliktiń Kazinform agenttigine bergen jaýabynda.

Pedofılııa men LGBT-ny nasıhattaýǵa tyıym salatyn túzetýler QR Parlamenti Májilisi depýtattarynyń bastamasymen engizildi. 

— Sondyqtan osy normany Senat qarastyratynyn atap ótken jón. Parlament palatasy osyǵan qatysty naqty túsinikteme berdi, — dep atalyp ótken vedomstvo aqparatynda.

Eske salsaq, bıyl 12 qarashada Parlament Májilisi balalardy densaýlyǵy men damýyna zııan keltiretin aqparattan qorǵaýǵa qatysty jańa normalardy qabyldaǵanyn jazǵan edik.