Senatta «Qylmystyq ister boıynsha ózara kómek týraly amerıkaaralyq konventsııany ratıfıkatsııalaý týraly» zań jobasy qaraldy
ASTANA. QazAqparat - Búgin Qazaqstan Respýblıkasy Parlamenti Senaty Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda «Qylmystyq ister boıynsha ózara kómek týraly amerıkaaralyq konventsııany ratıfıkatsııalaý týraly» zań jobasy qaraldy. Konventsııa 1992 jylǵy 23 mamyrda Nassaýda qabyldanǵan bolatyn.
Qujatqa sáıkes qatysýshy memleketter tergep-tekserýde, qylmystyq qýdalaýda jáne suraý salýshy memlekettiń kómek týraly suraý salýy kezinde ıýrısdıktsııasy bar qylmystarǵa jatatyn is-áreketterde bir-birine ózara kómek kórsetýge tıis.
Qazaqstan Respýblıkasynyń Konventsııaǵa qosylýy Amerıka qurlyqtaryndaǵy eldermen qylmystyq ister boıynsha ózara kómek kórsetý máselelerinde halyqaralyq-quqyqtyq bazany ornatý arqyly qylmyspen kúrestegi yntymaqtastyqtyń tıimdiligin arttyrýǵa múmkindik beredi. Konventsııany Argentına, Brazılııa, Kanada, Kosta-Rıka, Chılı, Ekvador, Salvador, AQSh, Gvatemala, Meksıka, Perý, Ýrýgvaı, Venesýela jáne taǵy basqa memleketter ratıfıkatsııalaǵan bolatyn. Zań jobasy Palatanyń qaraýyna jiberildi.
