Senatta qylmyskerlerdi ekstradıtsııalaý týraly Ýkraınamen aradaǵy shart qaraldy
NUR-SULTAN. QazAqparat - Parlament Senatynyń Konstıtýtsııalyq zańnama, sot júıesi jáne quqyqqorǵaý organdary komıtetiniń keńeıtilgen otyrysynda «Qazaqstan Respýblıkasy men Ýkraına arasyndaǵy ekstradıtsııalaý týraly shartty ratıfıkatsııalaý týraly» zań jobasy qaraldy, dep habarlaıdy QazAqparat.
Palata baspasóz qyzmetinen málim etkendeı, shart 2018 jylǵy 29 qazanda Nur-Sultan qalasynda jasalǵan.
«Shart izdeýde júrgen adamdardy qylmystyq jaýapkershilikke tartý nemese sot úkimin oryndaý úshin eki el arasynda ekstradıtsııalaý máselelerin retteıdi. Qujatta ekstradıtsııalaý úshin de, odan bas tartý úshin de negizder qarastyrylǵan. Shartty ratıfıkatsııalaý qylmysqa qarsy kúreste eki el yntymaqtastyǵynyń tıimdiligin arttyrady.Árbir tarap óziniń ulttyq zańnamasy negizinde óz azamattaryn berýden bas tartýǵa quqyly. Osy Shart boıynsha quzyretti organ Qazaqstan Respýblıkasynyń Bas prokýratýrasy bolyp tabylady. Qujat palatanyń qaraýyna berildi», - delingen habarlamada.
