Senatta kóshi-qon salasyndaǵy zańnamany jetildirý máseleleri talqylanýda
ASTANA. Maýsymnyń 18-i. QazAqparat /Qanat Mámetqazyuly/ - Búgin QR Parlamenti Senatynda «Qazaqstan Respýblıkasyndaǵy kóshi-qon protsesteri jáne kóshi-qon salasyndaǵy zańnamany jetildirý perspektıvalary» taqyrybyna arnalǵan ǵylymı-praktıkalyq konferentsııa ótýde.
«Álemdik qaýymdastyqtyń zamanaýı damý kezeńi belsendi kóshi-qon úderisterimen sıpattalady. Bul úderis demografııalyq jetispeýshilikterdi eńserýde, qaısybir memleketterdegi jumys kúshiniń jetispeýshiliginde, al endi birinde jurtshylyqtyń kedeılik deńgeıin tómendetýde mańyzdy ról atqarady. Sondyqtan da, kóshi-qon zańnamasyn álemdik tájirıbege, kóshi-qon salasyndaǵy ýaqyt týyndatyp ejatqan qaterlerge qarsy sáıkesteýdiń mańyzy zor», dedi jıyndy ashyp sóz sóılegen Senattyń Áleýmettik-mádenı damý komıtetiniń tóraǵasy Aqan Bıjanov.
Jıyn barysynda qatysýshylar Elbasynyń tapsyrmasyna sáıkes, Parlamenttiń qaraýyna berilgen «Kóshi-qon týraly» jańa redaktsııadaǵy zań jobasynyń baǵyttaryn talqylap, osy saladaǵy zańnamany jetildirý perspektıvalaryn ortaǵa saldy.
Jıyn qorytyndysyna oraı arnaıy usynystar qabyldanady dep kútilýde.
