Senatta qoǵamdyq keńester qyzmetin júıeleýge múmkindik beretin qujat qaraldy
«Qoǵamdyq keńester» Memleket basshysynyń «Halyq únine qulaq asatyn memleket» tujyrymdamasyn iske asyrýdyń mańyzdy quralyna aınalyp otyr. Qoǵamdyq keńester – Úkimet tarapynan júrgizilip jatqan áleýmettik, saıası, ekonomıkalyq damý joldaryn aıqyndaýda, halyq pikirin jınaqtaýǵa múmkindik beredi. Zań jobasy boıynsha tek qana, negizgi jańalyqtarǵa toqtala keteıin. Birinshiden, zań jobasy Qoǵamdyq keńesterdi qurýdyń mehanızmderin jetildirýge jan-jaqty múmkindik beredi. Qoǵamdyq keńesterdiń qyzmetin materıaldyq qamtamasyz etý máselesi endi óz sheshimin tapty. Ol – jergilikti máslıhattardyń quzyryna berilip otyr», - dedi senator Baqytjan Jumaǵulov.
Ekinshiden, buǵan deıin qoǵamdyq keńester kelip túsken barlyq normatıvtik quqyqtyq aktilerdiń jobalaryn qaraıtyn. Endi bul máseleni qaraý nemese qaraýsyz qaldyrý týraly sheshimdi qoǵamdyq keńesterdiń ózderi sheshetin bolady.
Úshinshiden, mańyzdy ózgeristerdiń biri – Qoǵamdyq keńes músheleriniń quqyqtary men mindetterin keńeıte otyryp, olardy Kvazımemlekettik sektor jumystaryna, satyp alý komıssııalarynyń jumysyna tartý kózdelgen. Bul normalar kvazımemlekettik sektordyń ashyqtyǵyn, eseptiligin qamtamasyz etedi.
Tórtinshiden, qoǵamdyq keńester qyzmetiniń máseleleri jónindegi «ýákiletti organ» belgilendi. Oǵan birqatar fýnktsııalar – zańnamalyq túrde berildi.
Besinshiden, jyl saıyn Memleket Basshysyna qoǵamdyq keńesterdiń qyzmeti týraly Ulttyq baıandama ázirlep, engizedi. Bul qoǵamdyq keńesterdiń jaýapkershiligin kóteredi, ashyqtyǵyn qamtamasyz etedi.
Depýtattyń aıtýynsha, atalǵan baptardyń barlyǵy da qoǵamdyq keńester qyzmetin júıeleýge, damytýǵa múmkindik beredi.
Májilis maquldanǵan zań jobasyn talqylaý barysynda Senat komıteti Ulttyq ál-aýqat qory men Ulttyq ál-aýqat qory tobyna kiretin ulttyq kompanııalar qurǵan Qoǵamdyq keńesti qurý jáne onyń qyzmetin uıymdastyrý tártibin naqtylaýǵa qatysty birqatar usynystar engizdi.
«Bul turǵydan alǵanda zań jobasyn qoldaýlaryńyzdy suraımyn. Sonymen birge, Áleýmettik-mádenı damý jáne ǵylym komıtetiniń jumys tobynda, Komıtettiń keńeıtilgen otyrysynda, zań jobasyn talqylaý kezinde depýtattardan Ulttyq ál-aýqat qorynyń jáne Qor tobyna kiretin kompanııalardyń erekshelikterin eskere otyryp, Qoǵamdyq keńesin qalyptastyrý tártibin naqtylaý jáne reglamentteý maqsatynda birqatar ózgerister men tolyqtyrýlar usynyldy», - dedi B. Jumaǵulov.
Baıandalǵandy eskere kele, Áleýmettik-mádenı damý jáne ǵylym komıteti «Qazaqstan Respýblıkasynyń keıbir zańnamalyq aktilerine qoǵamdyq keńesterdiń qyzmeti máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasyna ózgerister men tolyqtyrýlardy Parlament Májilisine jiberýdi usyndy.
Jalpy otyrys barysynda senatorlar bul usynysqa qoldaý bildirdi.
