Senatta qazaq-túrik áskeriniń birlesken jattyǵýyna qatysty zań jobasyn qaraldy
ASTANA. QazAqparat - Parlament Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Qazaqstan Respýblıkasynyń Úkimeti men Túrkııa Respýblıkasynyń Úkimeti arasyndaǵy arnaıy maqsattaǵy bólimshelerdiń oqý-jattyǵýlaryn ótkizý kezinde qabyldaýshy Taraptyń qoldaý kórsetýi týraly ózara túsinistik týraly memorandýmdy ratıfıkatsııalaý týraly» zań jobasy qaraldy.
Memorandým 2016 jylǵy 20 qańtarda Ankara qalasynda jasalǵan.
Memorandýmnyń maqsaty eki memleket qarýly kúshteriniń arnaıy maqsattaǵy bólimsheleriniń birlesken oqý-jattyǵýlardy ótkizýge baılanysty máselelerdi retteý, sondaı-aq taraptardyń mindettemeleri men jaýapkershiligin aıqyndaý bolyp tabylady.
Memorandým aıasynda jiberýshi taraptyń tehnıkasyn, qarýy men oq-dárilerin ákelý, el ishinde alyp júrý jáne áketý kezinde qabyldaýshy Taraptyń áýeaılaqtardy, avtomobıl jáne temirjoldardy berýin kózdeıdi. Odan basqa, oqý-jattyǵýlarǵa qatysý kezeńinde jiberýshi Taraptyń suraý salýy boıynsha qabyldaýshy tarap qarýdy, materıaldyq quraldardy, jabdyq pen oq-dárilerdi óteýsiz negizde usynýy múmkin.
Zań jobasy Palatanyń qaraýyna jiberildi.
