Senatta qarjy qyzmetterine qol jetkizýdi arttyrýǵa baǵyttalǵan zań jobasy qaraldy

NUR-SULTAN. QazAqparat - Senatta Qarjy jáne bıýdjet komıtetiniń keńeıtilgen otyrysynda «Eýrazııalyq ekonomıkalyq odaqqa múshe memleketterdiń qarjy naryǵy salasyndaǵy zańnamasyn úılestirý týraly kelisimdi ratıfıkatsııalaý týraly» zań jobasy qaraldy, dep habarlaıdy QazAqparat.

Senattyń baspasóz qyzmetinen málim etkendeı, sharaǵa Qazaqstan Respýblıkasynyń Ulttyq banki, Ádilet, Syrtqy ister, Saýda jáne ıntegratsııa mınıstrlikteriniń ókilderi, basqa komıtetterdiń depýtattary men Senat apparatynyń qyzmetkerleri qatysty.

Komıtet tóraǵasy Olga Perepechınanyń aıtýynsha, qujatty ratıfıkatsııalaý bank, saqtandyrý sektorlarynda, baǵaly qaǵazdar kórsetiletin qyzmetterdiń lıtsenzııalaryn ózara tanýdy qamtamasyz etýge, sondaı-aq Odaqqa múshe memleketterdiń qarjy naryqtaryna kemsitýshiliksiz qol jetkizýge múmkindik beredi.

Ulttyq bank tóraǵasynyń orynbasary Esjan Birtanov osy zań jobasyn qabyldaýdaǵy negizgi baǵyttardy belgiledi.

«Zańdy júzege asyrý memlekettik bıýdjetten qarjy shyǵyndaryn qajet etpeıdi. Jeke tulǵalar úshin qarjy qyzmetterine qol jetkizýdi arttyrýǵa, al kásipkerlik sýbektileri men memleket úshin ákimshilik kedergilerdi azaıtyp, otandyq qyzmet berýshilerdiń básekege qabilettiligin arttyrý áleýmettik-ekonomıkalyq oń yqpal etedi», - dedi ol.

Qujat Palata qaraýyna jiberildi.