Senatta Hakimjan Naýryzbaevtyń 100 jas mereıtoıyna qatysty usynys aıtyldy
Búgin Senattyń jalpy otyrysynda depýtat Bıbigúl Jeksenbaı Qazaqstannyń halyq sýretshisi Hakimjan Naýryzbaevtyń 100 jyldyǵyn respýblıkalyq deńgeıde atap ótý máselesin kóterdi, dep habarlaıdy Kazinform.
Senator Premer-Mınıstr Álıhan Smaıylovtyń atyna joldaǵan depýtattyq saýalynda Hakimjan Naýryzbaev tarıhı eskertkishter jasaýmen qatar, birqatar daryndy sýretshiler qaýymyn tárbıelegen ulttyq ónerdiń negizin qalaýshy ekenin atap ótti.
Depýtat qazirgi halyq sýretshisiniń eńbegi tek óńir deńgeıinde ǵana atap ótilip júrgenine toqtaldy.
Senatordyń paıymynsha, jaǵdaıdy túbegeıli ózgertý kerek jáne sýretshiniń 2025 jyly ótetin 100 jyldyǵyn respýblıkalyq deńgeıde merekeleý qajet.
«Hakimjan Naýryzbaevtyń 100 jyldyǵy aıasynda «Qazposhta» AQ poshta markalaryn shyǵarýdy qolǵa alý, joǵary oqý oryndary stýdentteri men arnaýly orta oqý oryndarynyń oqýshylaryna Naýryzbaev atyndaǵy stıpendııa taǵaıyndaý oryndy bolady dep sanaımyn. Respýblıkalyq kórkemsýret mektepteriniń birine sýretshiniń esimin berý, sondaı-aq elorda kósheleriniń birine ataý bergen jón bolar edi», – dedi Bıbigúl Jeksenbaı.
