Senatta elimizdegi sýarmaly jerlerdi tıimdi paıdalaný joldary talqylanýda
ASTANA. Mamyrdyń 28-i. QazAqparat /Qanat Mámetqazyuly/ - Búgin QR Parlamenti Senatynda «Saýarmaly egin sharýashylyǵy máseleleri boıynsha zańnamany jetildirý jáne Qazaqstanda sýarmaly jerlerdi tıimdi paıdalanýdyń joldary» atty taqyrypta dóńgelek ústel ótýde,
dep habarlaıdy QazAqparat.
Basqosýǵa arqaý bolǵan másele Memleket basshysynyń Joldaýyndaǵy talaptarǵa tikeleı baılanysty bolyp tabylady. Onda elimizdiń agroónerkásip keshenin serpindi damytýǵa erekshe kóńil bólingen bolatyn. Bul rette Elbasy 2014 jylǵa qaraı agroónerkisip kesheniniń ónimdiligin eki esege arttyrý, azyq-túlik taýarlary ishki naryǵyndaǵy otandyq tamaq ónimderiniń úlesin 80 paıyzdan asyrý, sondaı-aq 2015 jylǵa qaraı agrarlyq salanyń ulttyq áleýetin 4 paıyzdan 20 paıyzǵa deıin ulǵaıtý sekildi naqty mindetter júktegen edi. Bundaı mindetterdi agrarlyq ındýstrııalyq ártaraptandyrý, ıaǵnı aýyl sharýashylyǵy shıkizatyn qaıta óńdeýdi shuǵyl arttyrý, jańa qural jabdyqtar, jańa tehnologııalar men aýyl sharýashlyǵynda jańa kózqaras qalyptastyrý arqyly oryndaý qajettigi de atap kórsetilgen. Sondyqtan da, Prezıdenttiń agroónerkásip kesheni aldyna qoıǵan mindetterin oryndaý sýarmaly jerlerdi tıimdi paıdalanýǵa tikeleı baılanysty bolyp tabylady.
«Sońǵy bes-alty jyl kóleminde elimizdegi sýarmaly jerlerdiń kúrt azaıyp ketkenine Parlament depýtattarynyń kópshiligi alańdaýshylyq bildirip, osy baǵytta san túrli máseleler kóterip keledi. Sondaı talaptardy eskere otyryp, biz osy taqyrypty dóńgelek ústel jumysyna arqaý etýdi jón sanadyq. Basqosýdyń basty maqsaty sýarmaly jerlerdiń tıimdiligin arttyrýdaǵy ózekti máselelerdi, ony sheshýdiń joldaryn zańnamalyq qamtamasyz etý sharalaryn talqylap, tıisti usynystar qabyldaý bolyp otyr. Sonymen birge, biz osy másele tóńireginde aldaǵy ýaqytta atqarylatyn sharalarǵa baǵyt-baǵdar berýge, naqty joldardy aıqyndaýǵa tıispiz», dedi jıynǵa jetekshilik etken Senattyń Agrarlyq máseleler jáne qorshaǵan ortany qorǵaý komıtetiniń tóraǵasy Bolat Jylqyshıev.
Jalpy, jıynnyń sýarmaly jerlerdi tıimdi paıdalaný arqyly elimizdegi azyq-túlik molshylyǵyn qalyptastyrý baǵytyndaǵy asa mańyzdy baǵyttardy aıqyndaýǵa qosary zor bolyp otyr.
