Senatta Bıýro otyrysy ótti
ASTANA. 25 maýsym. QazAqparat - Búgin Qaırat Mámıdiń tóraǵalyq etýimen Parlament Senatynyń Bıýro otyrysy boldy.
Otyrysta Parlament Májilisinde maquldanǵan zań jobalary Senattyń turaqty komıtetteri men palata Apparatyna bólinip berildi. Bul týraly Senattyń baspasóz qyzmetinen habarlandy.
Atap aıtqanda, Konstıtýtsııalyq zańnama, sot júıesi jáne quqyq qorǵaý organdary komıteti qoldanystaǵy zańnamaǵa ruqsat berý qujattaryn qysqartý jáne memlekettik organdardyń baqylaý men qadaǵalaý fýnktsııalaryn ońtaılandyrý máseleleri boıynsha ózgerister men tolyqtyrýlar engizý týraly zań jobasy boıynsha bas komıtet bolyp belgilendi. Sonymen qatar, Bıýroda 2012 jylǵy 28 maýsymda bolatyn palatanyń kún tártibine usynystar qaraldy. Bul boıynsha palatanyń jalpy otyrysyna «Qazaqstan Respýblıkasynyń keıbir zańnamalyq aktilerine ruqsat berý qujattaryn qysqartý jáne memlekettik organdardyń baqylaý men qadaǵalaý fýnktsııalaryn ońtaılandyrý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda qaraýǵa usynylady. Depýtattar sondaı-aq «Qazaqstan Respýblıkasyndaǵy kólik týraly» jáne «Saýda maqsatynda teńizde júzý týraly» Qazaqstan Respýblıkasynyń zańdaryna ózgerister men tolyqtyrýlar engizý týraly» zań jobasyn talqylaıtyn bolady. Odan basqa «Qazaqstan Respýblıkasynyń keıbir zańnamalyq aktilerine tehnıkalyq retteý jáne metrologııa máseleleri boıynsha ózgerister men tolyqtyrýlar engizý týraly» zań jobasy da talqylanatyn bolady.
