Senatta bıznestiń qaı baǵytyna memlekettik qoldaý kerektigi aıtyldy
NUR-SULTAN. QazAqparat – Orta kásipkerliktegi belsendi kásiporyndar sanynyń qysqarýy úrdisi tirkelip otyr. Bul týraly Parlament Senatynyń Tóraǵasy Máýlen Áshimbaev málim etti, dep habarlaıdy QazAqparat tilshisi.
«Sońǵy jyldary orta kásipkerliktegi belsendi kásiporyndar sanynyń qysqarýy úrdisi tirkelip otyr. 2015 jyldan 2020 jyl aralyǵynda qysqarý úlesi 13 paıyzdan asty. Atap aıtqanda, orta kásipkerlik baǵytynyń ónimdiligi joǵary bolyp tur. ShOB-tyń tek 0,2 paıyzyn qurasa da, olar shaǵyn jáne orta kásipkerliktiń barsha óniminiń besinshi bóligin shyǵaryp jatyr», - dedi M. Áshimbaev Qazaqstanda shaǵyn jáne orta kásipkerlikti damytý salasyndaǵy memlekettik saıasatty jáne quqyqtyq retteýdi jetildirý taqyrybyndaǵy Parlamenttik tyńdaýda.
Onyń aıtýynsha, bıznesti memlekettik qoldaý orta kásipkerlik sanyn arttyrýǵa, shaǵyn bıznestiń «orta sanatqa» kóshýin damytýǵa baǵyttalýy tıis.
Budan buryn habarlanǵandaı, bıyl qazandaǵy jaǵdaı boıynsha shaǵyn jáne orta bıznes sany 1 mln 300 myńnan asyp tústi.
Senat Tóraǵasy pandemııadan kem degende 800 myń otandyq kásipker zardap shekkenin jetkizdi.
