Senatta «Báıterek» zymyran kesheni qurý týraly zań jobasy talqylandy

None
None
NUR-SULTAN. QazAqparat - Senatta Muhtar Qul-Muhammedtiń tóraǵalyq etýimen Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysy ótti, dep habarlaıdy QazAqparat.

Onda «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy «Baıqońyr» ǵarysh aılaǵynda «Báıterek» ǵarysh zymyran keshenin qurý týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» zań jobasy talqylandy.

Hattamany ratıfıkatsııalaý Kelisimdegi qarjylyq mindettemeler jónindegi birqatar jaǵdaıǵa mańyz berýge jáne birlesken kásiporyndaǵy mindetterdi qaıta bólýge múmkindik beredi.

Qujatta sonymen qatar taraptardyń «Báıterek» ǵarysh zymyran kesheniniń ushý synaqtaryn 2023 jyly orta dárejeli tasymaldaǵysh zymyranmen bastaýǵa baǵyttalǵan ózara mindettemeleri kózdelip otyr.

Senator Muhtar Qul-Muhammed zań jobasy qabyldanǵanda Qazaqstan-Reseı yntymaqtastyǵyn keńeıtýge múmkindik beretini jáne «Báıterek» ǵarysh zymyran kesheninen ushyrýdy qamtamasyz etýdegi taraptardyń mindetteri naqty bólinetinin atap ótti.

Depýtattar komıtettiń keńeıtilgen otyrysynyń qorytyndysy boıynsha zań jobasyn Palatanyń qaraýyna berý týraly sheshim qabyldady.


Сейчас читают
telegram