Senatta básekege qabiletti kásiporyndardy saýyqtyrý máseleleri boıynsha zań jobasy birinshi oqylymda maquldandy
ASTANA. 18 qańtar. QazAqparat /Rýslan Ǵabbasov/ - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine básekege qabiletti
kásiporyndardy saýyqtyrý máseleleri boıynsha ózgerister men tolyqtyrýlar engizý týraly» Zań jobasyn birinshi oqylymda maquldady.
Zań jobasy ońaltý rásimin qoldaný bóliginde bankrottyq júıeni jetildirý maqsatynda ázirlendi. Osyǵan baılanysty zań jobasymen Qazaqstannyń úsh kodeksine jáne alty zańyna ózgerister men tolyqtyrýlar engizý kózdeledi.
Máselen, QR Azamattyq kodeksine tólemge qabiletsiz boryshkerge onyń tólem qabiletin qalpyna keltirýge baǵyttalǵan jedeldetilgen ońaltý túrindegi sharalar qoldaný bóliginde; QR Azamattyq is júrgizý kodeksine sottyń ońaltý jáne jedeldetilgen ońaltý týraly isterdi erekshe is júrgizý tártibimen qaraý bóliginde túzetýler engiziledi.
«Salyq jáne bıýdjetke tólenetin basqa da mindetti tólemder týraly» QR Kodeksine (Salyq kodeksine) salyq jáne bıýdjetke tólenetin basqa da mindetti tólemder boıynsha bereshekti óteý jónindegi talaptardy kredıtorlar talaptarynyń tizimine engizý jónindegi kelispeýshilikterdi joıýǵa baǵyttalǵan naqtylaýshy túzetý engiziledi.
