Senatta adam saýdasyna qarsy is-qımyl máseleleri týraly zań jobasy talqylandy
ASTANA. 25 maýsym. QazAqparat - Búgin Qazaqstan Respýblıkasy Parlamenti Senaty Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy ótti. Onda «Qazaqstan Respýblıkasynyń keıbir zańnamalyq aktilerine adam saýdasyna qarsy is-qımyl máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaraldy.
Zań jobasynyń maqsaty halyqaralyq quqyqtyq erejelerge sáıkes, adam saýdasyna qarsy is-qımyl jónindegi zańnamany, osy saladaǵy qylmystardan zardap shekkenderdiń, onyń ishinde kámeletke tolmaǵandardyń quqyqtaryn qorǵaý bóligin jetildirý bolyp tabylady.
Qujat arqyly Qylmystyq, Qylmystyq is-júrgizý, Eńbek jáne Ákimshilik quqyq buzýshylyq týraly kodeksterge ózgerister men tolyqtyrýlar engizý kózdeledi.
Jalpy zań jobasy adam saýdasyna, kámeletke tolmaǵandarǵa qatysty jumys berýshilerdiń eńbek zańnamasyn buzýyna, jezókshelikpen nemese jeńgetaılyqpen aınalysý úshin kórineý úı-jaılar usynǵan menshik ıesi men jalǵa berýshilerge, sondaı-aq jezókshelikpen aınalysýǵa tartý, prıtondar uıymdastyrý jáne olardy ustaýǵa baılanysty qylmystar úshin jaýaptylyqty kúsheıtýdi kózdeıtin túzetýler engizedi.
Sondaı-aq tótenshe jaǵdaıdyń dárigerlik-sanıtarlyq saldarynyń týyndaý qaýpi týraly - tótenshe jaǵdaı jónindegi organdardy, jańa alǵan jaraqattar, jaralar, krımınaldyq túsikter, aınaladaǵylarǵa qaýip tóndiretin aýrýlardyń jaǵdaıy týraly - ishki ister organdaryn habardar etý mindetterin buzǵany úshin densaýlyq saqtaý sýbektilerin ákimshilik jaýapqa tartý belgilendi.
Tujyrymdamalyq turǵyda maquldanǵan zań jobasy Palataǵa birinshi oqylymda qaraýyna jiberiledi.
