Senatorlardyń halyqpen kezdesýinde qandaı máseleler kóterilýde
Máselen, Áleýmettik-mádenı damý jáne ǵylym komıtetiniń músheleri Nurtóre Júsip pen Dınar Nóketaeva Almaty oblysynyń Jambyl aýdanyna saparlady. Depýtattar Jambyl aýdanynyń aktıvimen kezdesip, onyń barysynda jumyspen qamtý, áleýmettik qamsyzdandyrý jáne shaǵyn jáne orta bıznesti qoldaý máseleleri kóterildi. Senatorlar problemalyq máseleler atqarýshy organdardyń nazaryna usynylyp, jeke baqylaýǵa alynatynyn atap ótti.
Palata ókilderi sonymen qatar Aqterek aýylyndaǵy jańa kópir qurylysymen tanysyp, Jambyl, Qaraqystaq, Aqqaınar, Shıen, Degeres eldi mekenderinde boldy.
Sondaı-aq Senat depýtattary Rashıt Ákimov pen Dáýren Ádilbekov Aqmola oblysynyń Sandyqtaý aýdanyndaǵy halyqqa qyzmet kórsetý ortalyǵynyń, «Bolashaq» balalar men jasóspirimder sport kesheniniń jumysymen tanysty. Sondaı-aq halyqty ótken jyly Parlamentte qabyldanǵan zańdardyń mazmunymen tanystyrdy.
Halyqpen kezdesý aıasynda aýdandaǵy «Aýyl-el besigi» jobasyn iske asyrý máseleleri talqylandy. Osy joba boıynsha 2020 jylǵa 1 305 019 myń teńge bólingen bolatyn. Bul qarjy aýrýhana ǵımaratyn, №1 Balkashın jáne Sandyqtaý orta mektepteri men «Mıras» balabaqshasyn kúrdeli jóndeýge, aýyl ishindegi joldardy jóndeý barysynda asfalt tóseýge (4,6 km) jumsalatyn bolady.
Depýtattardyń jumys sapary Maksımovka aýyldyq okrýginde jalǵasty. Bul jerde aýyl sharýashylyǵy taýarlaryn óndirýshilermen kezdesýler ótti. Aýylda sport nysandary salynyp, Maksımovka orta mektebine kúrdeli jóndeý júrgizilgen. Senatorlar jańa úıler men jabyq hokkeı alańyn kórdi.
Al aýyl mektebiniń pedagogtarymen kezdesý barysynda «Pedagog mártebesi týraly» zańnyń qabyldanýyna baılanysty muǵalimder men tárbıeshilerge qatysty ózgerister habardar etildi.
Budan bólek, Parlament Senatynyń depýtaty Rysqalı Ábdikerov Qaraǵandy oblysynyń Balqash qalasynda boldy.
Depýtat eń aldymen qaladaǵy polıtsııa bóliminiń jańa front-keńsesine barǵandy. Ortalyqtyń ashylýy ótinishterdi qaraý merzimin qysqartýǵa, azamattardyń máselelerin jedel sheshýge jáne jalpy jumystyń ashyqtyǵyn qamtamasyz etýge múmkindik berip otyr.
R.Ábdikerov polıtsııa qyzmetkerlerimen kezdesý barysynda Memleket basshysy Q.Toqaevtyń quqyqbuzýshylyqtyń jekelegen túrleri boıynsha jaýapkershilikti kúsheıtýge baǵyttalǵan tapsyrmalaryn oryndaý aıasyndaǵy zańnamadaǵy ózgerister týraly aıtyp berdi.
Senatordyń sapary jetim jáne ata-ana qamqorlyǵynsyz qalǵan balalarǵa arnalǵan balalar úıinde jalǵasty. Munda 15 tárbıelenýshige jaıly jaǵdaı jasalǵan. Depýtat balalar úıiniń túlekterine turǵyn úı bólý máselesin kóterdi. Sońǵy 5 jylda 19 túlektiń 7-eýi turǵyn úı alǵan, qalǵandarynyń múliktik muragerlik aıasynda bekitilgen baspanalary bar.
Senator qalalyq sot ǵımaratyndaǵy «Sot kabıneti» servısi, ózine-ózi qyzmet kórsetý aımaǵy, medıatsııa jáne advokattar kabınetteri, aýdıo-beıne tirkeý jáne beınekonferentsbaılanys júıesiniń jumysyna erekshe nazar aýdardy.
Sapar barysynda «Sary Qazyna» seriktestiginiń ujymymen de kezdesý boldy. Kásiporyn 2007 jyldan beri Qońyrat kenishindegi tehnogendik mıneral túzilimderde jer qoınaýyn paıdalaný operatsııalaryn júrgizip keledi. Senator ekologııalyq zańnamany saqtaý jáne kelisimsharttyq mindettemelerdi oryndaý máselelerine nazar aýdardy.
Depýtat Y.Altynsarın atyndaǵy № 25 jalpy bilim beretin mekteptegi jańǵyrtý jáne robototehnıka kabınetteriniń jumysymen, sondaı-aq halyqtyń áleýmettik jaǵynan osal toptaryndaǵy 134 balaǵa ystyq tamaq uıymdastyrý barysymen tanysty. Pedagogtarmen bolǵan kezdesýde jańadan qabyldanǵan «Pedagog mártebesi týraly» zańnyń erejeleri túsindirildi.
Qalalyq jumyspen qamtý ortalyǵynda bolǵan R.Ábdikerov qala turǵyndaryn jumysqa ornalastyrýǵa kómek kórsetý jáne memlekettik qoldaýdyń basqa da túrleri boıynsha jumysty uıymdastyrý máselelerin talqylady.
Múmkindigi shekteýli balalar men 18 jastan asqan adamdardy damytý jáne áleýmettik beıimdeý ortalyǵy sapardyń kelesi nysany boldy. Ortalyq ǵımaratyn «Qońyrat» korporatıvtik qory 2019 jyly «Rýhanı jańǵyrý» baǵdarlamasy aıasynda jóndeýden ótkizip, «Úlken Júrek» qoǵamdyq birlestigine bergen bolatyn. Memlekettik áleýmettik tapsyrys aıasynda aıyna 70 balaǵa deıin ońaltý qyzmetteri kórsetiledi.
Jumys saparynyń sońy azamattardy jeke qabyldaýǵa arnaldy. Senatorǵa 9 adam kezdesýge jazylǵan bolatyn. Turǵyndar ekologııa, elektr energııasynyń tarıfteri, úılerdiń qasbetteri men lıftterin jóndeý, azyq-túlik baǵasy jáne basqa da máselelerdi kóterdi.
