Senatorlar Joldaý júktegen mindetter boıynsha kásipkerlermen kezdesti
QYZYLORDA. QazAqparat - QR Senatynyń depýtattary Murat Muhammedov pen Bekmyrza Elamanov Qyzylorda oblysynyń kásipkerlerimen kezdesti, dep habarlady QazAqparat HAA tilshisi.
Kezdesýge Qyzylorda oblysy Ádilet departamentiniń, aımaqtyq Kásipkerler palatasy men Zańgerler odaǵynyń ókilderi sondaı-aq, óńir kásipkerleri qatysty.
Jıyn barysynda Senat depýtattary Elbasynyń bıylǵy jylǵy arnaıy Úndeýi jaıly aıtyp, «Qazaqstannyń úshinshi jańǵyrýy: jahandyq básekege qabilettilik» taqyrybyndaǵy Joldaýdyń basym baǵyttaryn túsindirip ótti.
Halyq qalaýlylary damyǵan 30 eldiń qataryna ený maqsatynda memlekettik bılik butaqtary arasynda ókilettikti qaıta bólý máselelerine keńinen toqtaldy.
Sondaı-aq, qoldanystaǵy zańnamalarǵa engiziletin ózgeristerdiń jobasyn talqylaý barysynda kásipkerler ózderiniń birqatar usynystaryn bildirdi.
