Senatorlar «Jol júrisi týraly» zańdy iske asyrý máselesin talqylady
ASTANA. QazAqparat - 20 aqpanda Qazaqstan Respýblıkasy Parlamenti Senatynyń Konstıtýtsııalyq zańnama, sot júıesi jáne quqyq qorǵaý organdary komıteti «Jol júrisi týraly» Qazaqstan Respýblıkasynyń zańyn iske asyrý máseleleri týraly ІІM ǵımaratynda dóńgelek ústel otyrysyn ótkizdi.
Sharaǵa senatorlar, ishki ister, densaýlyq saqtaý jáne áleýmettik damý, ınvestıtsııa jáne damý, ádilet, bilim jáne ǵylym, qorǵanys mınıstrlikteri men Bas prokýratýranyń ókilderi qatysty.
Dóńgelek ústelge qatysýshylarǵa arnaǵan sózinde Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy Serik Aqylbaı osy zańnyń negizinde halyqaralyq konventsııalar men BUU kelisimderiniń mindetti talaptary, BUU Bas Assambleıasynyń usynymdary, sondaı-aq shetelderdiń zertteýleri men halyqaralyq tájirıbeler, atap aıtqanda, Birikken Ulttar Uıymynyń 1968 jylǵy 8 qarashada Venada qabyldaǵan jáne 2009 jylǵy 31 jeltoqsanda Qazaqstanda ratıfıkatsııalanǵan Jol júrisi týraly konventsııasy jatqanyn atap ótti.
S.Aqylbaı «Nurly jol» Joldaýyndaǵy damý baǵdarlamasynda Memleket basshysy joldar «Qazaqstan úshin ómir jelisi» ekenine nazar aýdarǵanyn atap ótti. Kólik jelisin damytyp, jańa magıstraldar salyp, elimiz arqyly júk tasymalyn jedeldete jáne ulǵaıta otyryp, joldardaǵy qaýipsiz qozǵalysty qamtamasyz etý kerek.
Jol júrisi salasyn retteıtin normatıvtik quqyqtyq bazany odan ári jetildirý máselelerine qatysty S.Aqylbaı búgingi dóńgelek ústel otyrysy Konstıtýtsııalyq zańnama, sot júıesi jáne quqyq qorǵaý organdary komıteti men quqyq qorǵaý organdaryna jol júrisi salasyndaǵy zańnamany odan ári jetildirýdi qarastyrý jáne ózekti máselelerdi talqylaýǵa múmkindik beretinin atap ótti.
«Zań shyǵarý úderisterinde iske asyrylatyn tıisti bastamalar kásibı turǵyda jan-jaqty zerdeleý negizinde jáne osyndaı ózara tyǵyz is-qımylda ázirlenetini kúmánsiz», - dedi S.Aqylbaı.
