Senatorlar jol qozǵalysy jónindegi zańǵa túzetýler engizbek
ASTANA. QazAqparat - Búgin QR Parlamenti Senaty Konstıtýtsııalyq zańnama, sot júıesi jáne quqyq qorǵaý organdary jónindegi komıtetiniń keńeıtilgen otyrysynda «Jol qozǵalysy máseleleri jónindegi QR-nyń keıbir zańnamalyq aktilerine ózgertýler men tolyqtyrýlar engizý týraly» zań jobasy qaraldy, dep habarlaıdy QazAqparat.
«Biz polıtsııa qyzmetkeri toqtatqan kezde júrgizýshiniń kólikten túspeýine qatysty jaǵdaıdy túzetkimiz keledi. Biraq, bul tek jolaýshylarǵa ǵana qatysty. Óıtkeni júrgizýshimen qatar jolaýshynyń da polıtsııa ruqsatynsyz kólikten túsýine tyıym salynǵan. Bizdiń oıymyzsha, belgisiz ýaqytqa adamdardy kólikti qamap qoıý durys emes. Sondyqtan biz osy túzetýdi engizip otyrmyz», - dedi komıtet otyrysynda zań jobasyn tanystyrǵan Májilis depýtaty Vladıslav Kosarev.
Sonymen qatar ol Májilis depýtattary júrgizýshiniń tek ruqsat belgisi bar jerge ǵana toqtaýy qajettigi kórsetilgen normaǵa da qarsylyq tanytqanyn atap ótti.
«Jerimiz ulanǵaıyr, belgini kez kelgen jerge qoıa almaımyz. Al muny polıtsııa qyzmetkerleri paıdalanyp, kez kelgen jerde narazylyq tanytýy múmkin. Biz sondyqtan bul normany alyp tastaýǵa sheshim qabyldadyq jáne ol shaǵyn kásiporyndardyń qyzmetin jetilirý týraly zańmen alynyp tastaldy. Bul zań jobasy arqyly biz júrgizýshi men jol polıtsııasy qyzmetkerleri arasyndaǵy ózara qarym-qatynasty jaqsartý maqsatynda jumys istedik. Zańda kólikti toqtatqan polıtsııa qyzmetkeri birden júrgizýshige kelýin, ne úshin toqtatqandyǵyn túsindirýin, buzýshylyqqa qatysty qujatty nemese vıdeo jazbany usynýyn jazdyq. Buǵan qosa júrgizýshilerge vıdeoǵa túsirýge ruqsat beriledi. Bul júrgizýshi men polıtsııa qyzmetkeri arasyndaǵy demokratııalyq qarym-qatynasty damyta túspek», - dedi Kosarev.
Joǵary palata depýtattary zań jobasyn qoldap, Senattyń jalpy otyrysyna shyǵarýǵa kelisti.
