Senatorlar Jogorký Kenesh depýtattaryn saılaýdy baıqaýǵa qatysady
NUR-SULTAN. QazAqparat - Qazaqstan Parlamenti Senatynyń birqatar depýtaty Qyrǵyz Respýblıkasy Jogorký Keneshi depýtattarynyń 2020 jyldyń 4 qazanyna belgilengen saılaýyn baıqaýǵa qatysady, dep habarlaıdy QazAqparat.
«Murat Baqtııaruly TMD-ǵa qatysýshy memleketter Parlamentaralyq Assambleıasy mıssııasynyń baıqaýshylarynyń quramyna endi. UQShU Parlamenttik Assambleıasynyń atynan saılaýdy baıqaýǵa senator Baqytjan Jumaǵulov qatysady. Dınar Nóketaeva saılaý úderisin baıqaý úshin TúrkPA mıssııasynyń quramynda jumys isteıtin bolady», - delingen QR Parlamenti Senaty baspasóz qyzmetiniń málimetinde.
Senatorlar saılaýdy baıqaýǵa sol saılaý kúni qatysady, sondaı-aq Qyrǵyzstannyń Saılaý jáne referendým ótkizý jónindegi ortalyq komıssııanyń tóraǵasymen, partııalardyń saılaýaldy shtabynyń ókilderimen kezdesýdi josparlap otyr.
