Senatorlar Joǵarǵy sot basshylyǵymen sot júıesin jetildirý máselelerin talqylady
Komıtet tóraǵasy Vladımır Volkov otyrys barysynda Parlament sońǵy 3 jylda sot júıesin jańǵyrtýǵa baǵyttalǵan sot tóreligi salasynda 30-dan astam zań qabyldaǵanyn atap ótti.
«Memleket basshysy sot júıesin reformalaýda aıtarlyqtaı ilgerileýge qol jetkizý úshin sýdıallardyń kásibıligine, sot tóreliginiń sapasyna jáne sot isin basqarýǵa baǵyttalǵan túbegeıli jańa kózqarastardy belgileý qajet dep sanaıdy. Bul úshin sot korpýsyn jańartý jáne jetildirý kerek. Sýdıalar joǵary bilikti jáne adal bolýy kerek», - dedi Vladımır Volkov.
Senator Qanatbek Safınov Senatń tóraǵasy Máýlen Áshimbaevtiń tapsyrmasy boıynsha sot júıesin reformalaý jónindegi jumys tobynyń 30-dan astam otyrysy ótkenin jáne onda memlekettik organdardyń, zań qoǵamdastyǵynyń ókilderi men ǵalymdardyń 350-ge jýyq usynysy qaralǵanyn aıtty. Usynystardy eskere otyryp, «Qazaqstan Respýblıkasynyń sot júıesi jáne sýdıalarynyń mártebesi týraly» Konstıtýtsııalyq zań jobasy jáne «Qazaqstan Respýblıkasynyń keıbir zańnamalyq aktilerine protsestik zańnamany jetildirý jáne sot júıesin reformalaý máseleleri boıynsha ózgerister men tolyqtyrýlar engizý týraly» zań jobasy ázirlengen bolatyn.
Konstıtýtsııalyq zań jobasyna engizilgen túzetýler negizinen sýdıalardyń táýelsizdigin nyǵaıtýǵa, olardyń jumys sapasyn arttyrýǵa, Joǵarǵy sot Keńesiniń rólin kúsheıtýge jáne oǵan Joǵarǵy sot fýnktsııalarynyń bir bóligin berýge baılanysty. Atap aıtqanda, sýdıalyqqa kandıdattardy daıarlaý, olardyń biliktiligin arttyrý, sýdıalyq qyzmette bolý jasyn uzartý, sýdıalardyń mindetin atqarýshylardyń ókiletin toqtata turý jáne toqtatý máseleleri. Joǵarǵy sot Keńesiniń qaramaǵyna Sot tóreligi akademııasyn berý usynylyp otyr.
Ekinshi zań jobasy apellıatsııalyq satydaǵy sotta is júrgizý tártibin retteıtin Azamattyq is júrgizý kodeksiniń normalaryna ózgerister engizýdi kózdeıdi. Usynylǵan jańalyqtarǵa sáıkes, apellıatsııalyq sot isti birinshi satydaǵy sottyń erejeleri boıynsha qaraýǵa quqyly. Atalǵan ózgerister qaǵazbastylyqty azaıtyp, daýly quqyqtyq qatynastar sýbektileriniń buzylǵan quqyqtaryn jyldam qalpyna keltirýge múmkindik beredi.
Ádildik qaǵıdatyn engizýdi eskere otyryp jáne ádil sot tóreligin qamtamasyz etý maqsatynda zańdylyq pen negizdilik talaptarymen qatar sheshimniń ádildigi týraly talapty engizý usynylady.
Azamattyq is júrgizý kodeksine engizilgen túzetýlerdiń bir bóligi azamattyq protseste sot ókildigi ınstıtýtynyń tıimdi jumys isteýi maqsatynda olardyń is júrgizý quqyqtary men mindetterin bekitý arqyly sot ókilderiniń mártebesin quqyqtyq retteýdi jetildirýge baǵyttalǵan.
Ekinshi zań jobasynda sot júıesin odan ári damytýǵa baǵyttalǵan ózge de túzetýler qarastyrylǵan.
Jıynda Joǵarǵy sot tóraǵasy Aslambek Merǵalıev pen azamattyq ister jónindegi sot alqasynyń tóraǵasy Nurserik Sháripov te sóz sóıledi.
Senatorlar otyrysty qorytyndylaı kele, sot júıesin reformalaý boıynsha jumysty odan ári jalǵastyrýdyń mańyzdylyǵyn atap ótti.
Foto: senate.parlam.kz
