Senatorlar Joǵarǵy Sot basshylyǵymen kezdesti
Joǵarǵy Sot Tóraǵasy Jaqyp Asanov kezdesýdi asha kelip, sot tóreligi jáne jalpy sot isin júrgizý sapasyn jaqsartýdy kózdeıtin jańalyqtar týraly senatorlarǵa aıtyp berdi.
Senatorlar sot ózgeristeriniń aýqymy men óskeleńdigin joǵary baǵalady. Senat komıtetiniń tóraǵasy Vladımır Volkov qazaqstandyq quqyqtyq júıe bir orynda qalyp qoımaǵanyn jáne sheteldik ozyq tájirıbe árkez engizilip kele jatqanyn atap ótti. Ol sondaı-aq, búgingi tańda Parlamentte sot júıesiniń jumysyn jaqsartýǵa yqpal etetin 4 zań jobasy bar ekenin atap ótti.
«Zań jobalary sot júıesin qarjylandyrýdyń, sýdıalardy irikteýdiń jańa úlgisin, qylmystyq ister boıynsha kassatsııaǵa qol jetkizýdi ulǵaıtýdy jáne daýlardy sotqa deıin retteýden tys tetikterdi keńinen paıdalanýdy kózdeıdi, sondaı-aq basqa da birqatar jańalyqtar bar. Sonymen qatar Parlament depýtattary, onyń ishinde senatorlar Qanatbek Safınov pen Lázzat Súleımen osy zań jobalarynyń ekeýine bastamashy boldy», - dep atap ótti Vladımır Volkov.
Joǵarǵy sottyń Ákimshilik ister jónindegi alqa tóraǵasy Qanat Mýsın senatorlarǵa jańa ákimshilik sot jumysynyń alǵashqy qorytyndylary men sot isin júrgizý problemalary týraly aıtyp berdi. Joǵarǵy Sottyń sýdıasy Aslan Túkıev óz kezeginde depýtattarǵa sot júıesin odan ári jańǵyrtý men sot isin júrgizýdi jetildirý jónindegi oılaryn ortaǵa saldy.
Kezdesýdi qorytyndylaı kelip, sot júıesine degen senim deńgeıin arttyrý úshin zań ústemdigin qamtamasyz etý qajettigi atalyp ótildi.
