Senatorlar jer zańnamasyn jetildirýge baǵyttalǵan jobany talqylady
ASTANA. 1 sáýir. QazAqparat /Qanat Mámetqazyuly/ - Búgin QR Parlamenti Senaty Agrarlyq máseleler jáne qorshaǵan ortany qorǵaý komıtetiniń keńeıtilgen otyrysy bolyp ótti.
Onda depýtattar «QR keıbir zańnamalyq aktilerine jer qatynastaryn retteý máseleleri boıynsha ózgerister men tolyqtyrýlar engizý týraly» zań jobasyn talqylady.
Zań jobasy 2008 jyly bir top Májilis depýtattarynyń bastamashylyǵymen ázirlengen bolatyn. 2009 jyldyń qańtar aıynda birinshi oqylymda maquldansa, ekinshi oqylymda 2010 jyldyń naýryzynda Májiliste maquldanyp, Senatqa jiberilgen. Usynylǵan túzetýler negizinen jer zańnamasyn odan saıyn jetildirýge baǵyttalyp, Jer kodeksiniń normalaryn qoldanystaǵy quqyqtarmen sáıkestendirýdi qamtyp otyr. Atap aıtqanda, zań jobasy eldi mekender aýmaǵynda naryqtyq tetikterdi eskere otyryp baǵany qalyptastyrý máselelerin retteýdi kózdeıdi. Sonymen qatar, eldi mekenderdegi jer-sharýashylyǵyn ornalastyrý máseleleri boıynsha jáne halyqtyń aqparatqa qoljetimdigi máselesine sáıkes, jergilikti ókiletti jáne atqarýshy bıliktiń quzyreti naqtylanady. Jergilikti atqarýshy organǵa jer ýchaskelerin bólýde ókilettilikter usynylady. Memlekettik menshikte turǵan jer ýchaskelerin satý barysynda quqyq ıelený tetikterin bekitiledi.
Zań jobasy palatanyń jalpy otyrysyna shyǵarylatyn bolady.
