Senatorlar jańa shekara zastavasynyń ashylýyna qatysty
ASTANA. QazAqparat - Qazaqstan Respýblıkasy Parlamenti Senatynyń depýtattary Ikram Adyrbekov jáne Muhtar Altynbaev Qazaqstan Respýblıkasy Ulttyq qaýipsizdik komıteti Shekara qyzmeti «Ońtústik» óńirlik basqarmasyndaǵy Saryaǵash shekara otrıadyna qarasty jańa «Darhan» shekara zastavasynyń saltanatty ashylýyna qatysty. Cenatorlar shekara qalashyǵynyń ınfraqurylymymen, avtomobıl jáne arnaıy tehnıkasymen tanysty.
«Aımaqtyq qaýipsizdikti, ishki turaqtylyqty, ultaralyq kelisimdi jáne qoǵamdyq tártipti qamtamasyz etý Memleket basshysynyń «Qazaqstan-2050» Strategııasyndaǵy negizgi basymdyqtardyń biri bolyp tabylady. Elimizdi syrtqy qaýipten qorǵaıtyn Shekara qyzmetine jáne onyń óńirlik bólimshelerine erekshe jaýapkershilik júktelip otyr», - dep atap ótti Halyqaralyq qatynastar, qorǵanys jáne qaýipsizdik komıetiniń tóraǵasy I. Adyrbekov.
Senator M. Altynbaev «Basqa qurylymdar sekildi «Darhan» shekara zastavasynyń kesheni qazirgi zamanǵy qurylys erejelerine saı jáne shekara kúzetine qajetti jaǵdaılar jasalyp salynǵan», - dep atap ótti.
