Senatorlar jalǵan kásipkerliktiń jolyn kesýge qatysty qujatty birinshi oqylymda maquldady
ASTANA. Qyrkúıektiń 16-sy. QazAqparat /Aıdar Ospanalıev/ -Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine jalǵan kásipkerliktiń jolyn kesý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy,
dep habarlaıdy QazAqparat.
Otyrysta atalmysh quja boıynsha qosymsha baıandamany depýtat Rashıt Ahmetov jasady. Onyń sózine qaraǵanda, zań jobasy jalǵan kásipkerlik pen onymen baılanysty qylmys túrleriniń aldyn alý maqsatyn kózdeıdi. Qujat kúshine ense, Azamattyq, Qylmystyq jáne «Ákimshilik quqyq buzýshylyqtar týraly» kodeksteri men «Zańdy tulǵalardy memlekettik tirkeý jáne fılıaldar men ókildikterdi eseptik tirkeý týraly» ózge de birqatar qujattarǵa ózgerister engiziletin bolady. Qujat Bas komıtetke ekinshi oqylymda qaraýǵa jiberildi.
