Senatorlar vandalızmge qarsy zańnamany qatańdatýdy usyndy

ASTANA. KAZINFORM — Senat depýtaty Gennadıı Shıpovskıh vandalızmge qarsy kúresti kúsheıtý qajettigin aıtty.

«Sońǵy ýaqytta vandalızm máselesi ýshyǵyp tur. Kún saıyn BAQ betterinde bireýlerdiń halyqtyń múlkin, kommýnaldyq menshigin búldirgeni týraly jańalyqtar jeldeı esýde. Vandalızm derti epıdemııa syndy. Buǵan, árıne, jol joq. Bul turǵyda Memleket basshysynyń jaqynda aıtqan sózinde halyqtyń quqyqtyq saýattylyǵyn arttyrý jáne qoǵamdyq tártipsizdikter men mádenıetsizdikti boldyrmaý jónindegi mindetter erekshe ózektilikke ıe bolyp otyr», — dep atap ótti senator. 

Osyǵan baılanysty depýtat vandalızmge qarsy zańnamany qatańdatýdyń mańyzdylyǵyn atap ótti.

«Qazirgi jaǵdaı mundaı zańsyz áreketter úshin jaýapkershilikti kúsheıtýdi qaıta qaraý kerektigin dáleldep otyr. Senatorlar zańnamaǵa tıisti ózgerister engizý máselesin qarastyrýǵa daıyn. Biz barlyq múddeli taraptardy osy baǵyttaǵy birlesken qyzmetke shaqyramyz. Sonymen qatar, mundaı jaǵdaılardyń aldyn alý úshin zańnamalyq sharalardan basqa, birinshi kezekte jastar arasynda tıisti profılaktıkalyq jumys júrgizý qajet. Bul jumysty Úkimet, jergilikti atqarýshy oryndar jáne quqyq qorǵaý organdary baqylaýǵa alýy kerek. Óz tarapynan senatorlar da buǵan belsendi qatysýǵa ázir», — dep atap ótti depýtat.