Senatorlar UQShU PA komıssııalarynyń jumysyna qatysty
Senator Andreı Lýkın Ujymdyq qaýipsizdik týraly shart uıymynyń (UQShU) Parlamenttik Assambleıasynyń Qorǵanys jáne qaýipsizdik máseleleri jónindegi turaqty komıssııasynyń quramynda sarapshylarmen birlese otyryp, UQShU-nyń birqatar úlgi zańdarynyń jobalaryn talqylady.
«Otyrysta jappaı qyryp-joıý qarýynyń zańsyz aınalymyna qarsy is-qımyl, qarýly kúshter, basqa da áskerler men áskerı quralymdar avıatsııasynyń halyqaralyq ushýlaryn uıymdastyrý salasyndaǵy zańnamany jetildirý, sybaılas jemqorlyqqa qarsy monıtorıngtiń bazalyq ólshem sharttary men kórsetkishteri, UQShU-ǵa múshe memleketterdiń kıbershabýyldar men qaterlerge qarsy is-qımyl máselelerindegi áreket jospary men quraldarynyń tujyrymdamasy máseleleri boıynsha usynymdar jobalary qaraldy», - delingen QR Parlamenti Senaty baspasóz qyzmetiniń málimetinde.
Senat depýtaty Dáýren Ádilbekov qatysqan UQShU PA Saıası máseleler jáne halyqaralyq yntymaqtastyq jónindegi turaqty komıssııasynyń otyrysy barysynda uıym aıasynda jasalǵan halyqaralyq sharttardyń ratıfıkatsııasy talqylandy.
Depýtat Álı Bektaev UQShU PA Áleýmettik-ekonomıkalyq jáne quqyqtyq máseleler jónindegi turaqty komıssııasynyń jumysyna qatysty. Parlamentshiler uıymnyń qyzmetin retteıtin qujattardyń jobalaryn jáne UQShU Parlamenttik Assambleıasynyń qurylymyn ózgertý jónindegi usynystardy qarady.
