Senatorlar Túrki ınvestıtsııalyq qoryn qurýǵa qatysty zańdy talqylaıdy

Senat Spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti. Onda depýtattar 5 qazan kúni bolatyn Senat otyrysynyń kún tártibin bekitti, dep habarlaıdy QazAqparat Senattyń baspasóz qyzmetine silteme jasap.

Soǵan sáıkes senatorlar Palata otyrysynda «Túrki ınvestıtsııalyq qoryn qurý týraly kelisimdi ratıfıkatsııalaý týraly» zańdy qaraıdy. Bul qor óńirishilik saýdany keńeıtýdi jáne ekonomıkalyq qyzmetke qoldaý kórsetý arqyly uıymǵa múshe memleketterdiń ekonomıkalyq damýyna yqpal etýdi kózdeıdi.

Sonymen qatar depýtattar aldaǵy beısenbide «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Taraptar memleketteriniń azamattaryna qatysty aqparat almasý týraly kelisimdi ratıfıkatsııalaý týraly» zańdy qaraıdy. Atalǵan Kelisim kóshi-qondy baqylaýdyń tıimdiligin arttyrýǵa jáne eki eldiń yntymaqtastyǵyn nyǵaıtýǵa yqpal etpek.

Sondaı-aq otyrys kezinde Májilis qabyldaǵan zańdar jumys úshin Senattyń turaqty Komıtetterine bólinip berildi.