Senatorlar transferttik baǵa belgileý men salyq salý máselelerine qatysty qujatty ekinshi oqylymda Májiliske qaıtardy
áýirdiń 21-i. QazAqparat /Aıdar Ospanalıev/ - Búgin Parlament Senatynyń jalpy otyrysynda senatorlar «Qazaqstan Respýblıkasynyń keıbir zańnamalyq aktilerine transferttik baǵa belgileý jáne salyq salý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda qarady,
dep habarlaıdy QazAqparat.
Qarjy mınıstri Bolat Jámishevtiń aıtýynsha, atalmysh qujat memlekettiń fıskaldyq múddesi men halyqaralyq saýdaǵa qatysýshylardyń zańdy múddeleri arasyndaǵy ekonomıkalyq tepe-teńdikti qalyptastyrý bolyp tabylady. «Transferttik baǵa belgileý týraly qoldanystaǵy zań 2008 jyldyń shilde aıynyń 5-inde qabyldanǵan. Biraq zaman qujat talaptaryn jetildirýdi qajet etip otyr. Osyǵan qaraı qujatta jeke qoldanylatyn anyqtamalar men uǵymdar naqtylandy. Uzaq merzimdi kelisimsharttar úshin baǵa belgileý ádisi retinde «baǵamdaý kezeńi» degen jańa uǵym men ony aıqyndaý tártibi engizildi. Sondaı-aq baǵamdaý kezeńiniń ortasha arıfmetıkalyq baǵasyn esepteý tártibi qosa engizildi. Qujatta naqtylaý jáne redatsııalaý baǵytynda ózge de birqatar ózgerister engizilgen», dedi B.Jámishev.
Otyrysta qujatty eki oqylymda qaraǵan depýtattar ony Májiliske qaıtarý qajet degen baılamǵa keldi.
