Senatorlar Tólebı aýdanyndaǵy nysandardy aralap kórdi
TÓLEBI. QazAqparat – Qazaqstan Respýblıkasy Parlament Senatynyń depýtattary Álı Bektaev pen Álimjan Qurtaev Tólebı aýdanyna arnaıy jumys saparymen keldi. Depýtattar aýdandaǵy birqatar nysandardy aralap kóip, turǵyndarmen júzdesti, dep habarlaıdy QazAqparat tilshisi.
Halyq qalaýlylary aýdandaǵy iri kooperatıvterdiń biri «Qazyǵurt baqtary» AShÓK-niń 120 ga alma baýy men «Ǵaıyp Eren Qyryq Shilten» kıeli ornyndaǵy qonaq úıdiń qyzmetimen tanysty. Sondaı-aq, aýdan ákimdiginde ótken keńeıtilgen otyrysqa qatysyp, jergilikti bılik pen aýdandyq ardagerler keńesiniń múshelerine, Tólebı aýdandyq máslıhatynyń hatshysy men depýtattaryna elimizdegi ózgeriske engen zańnalamar týraly baıandap ótti. Depýtat Álı Bektaev Parlament otyrysynda monopolısterdiń jumysy boıynsha, arnaıy ekonomıkalyq jáne ındýstrıaldy aımaq týraly qatysty ózgertilgen zańdarǵa toqtaldy. Sondaı-aq, densaýlyq saqtaý, dárilik zattar men medıtsına buıymdaryna, halyqty jumyspen qamtýǵa, turǵyn úı qatynastaryna, qarjylyq qyzmetke baılanysty zańdardy da túsindirdi. Al, Álimjan Qurtaev 9 maýsymda ótken kezekten tys Prezıdent saılaýy men Arys qalasynda bolǵan jaǵdaıdan keıingi nátıjeli jumystardyń barysyna toqtaldy. Jıyn sońynda halyq qalaýlylary turǵyndar tarapynan qoıylǵan suraqtarǵa jaýap berip, usynystaryn jazyp aldy.
