Senatorlar tehnıkalyq retteý týraly zań jobasyn qaraıdy
NUR-SULTAN. QazAqparat - Palata Tóraǵasy Máýlen Áshimbaevtyń tóraǵalyq etýimen Bıýro otyrysy boldy. Depýtattar Senattyń aldaǵy 2020 jylǵy 24 jáne 29 jeltoqsanda ótetin otyrystarynyń kún tártipterin talqylady, dep habarlaıdy QR Parlamenti Senatynyń baspasóz qyzmeti.
Senatorlar 24 jeltoqsandaǵy otyrysta «Tehnıkalyq retteý týraly» zań jobasyn qaraıtyn boldy. Jańa mátinde qabyldanatyn bul zańda tehnıkalyq retteý salasyndaǵy baqylaý-qadaǵalaý qyzmetiniń ashyqtyǵy men tıimdiligi, qaýipti ónimniń jolyn kesýdiń jedeldigi qamtamasyz etiledi, bızneste adal kásipkerlikke jaǵdaı jasaıdy.
Senatorlar sonymen qatar «Qazaqstan Respýblıkasynyń keıbir zańnamalyq aktilerine tehnıkalyq retteý, kásipkerlik, memlekettik basqarý júıesin jetildirý jáne tólemder máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine kedendik retteý jáne kásipkerlik qyzmet máseleleri boıynsha ózgerister men tolyqtyrýlar engizý týraly» zań jobalaryn da talqylaıtyn bolady.
Parlament Májilisi maquldaǵan «Qazaqstan Respýblıkasynyń Úkimeti men Birikken Arab Ámirlikteriniń Úkimeti arasyndaǵy Qazaqstan Respýblıkasynyń Birikken Arab Ámirlikterindegi Elshiliginiń jáne Birikken Arab Ámirlikteriniń Qazaqstan Respýblıkasyndaǵy Elshiliginiń qajettilikterine Astana qalasynda jáne Ábý Dabı qalasynda jer ýchaskelerin óteýsiz paıdalanýǵa ózara berý týraly kelisimdi ratıfıkatsııalaý týraly» jáne «Qazaqstan Respýblıkasynyń keıbir zańnamalyq aktilerine qoǵamdyq keńesterdiń qyzmeti máseleleri boıynsha ózgerister men tolyqtyrýlar engizý týraly» zań jobalary depýtattardyń qaraýyna da usynylady.
Otyrystyń kún tártibine «Qazaqstan Respýblıkasynyń keıbir zańnamalyq aktilerine mádenıet, dene shynyqtyrý jáne sport máseleleri boıynsha ózgerister men tolyqtyrýlar engizý týraly» zań jobasy da engizildi. Halyqty saýyqtyrýdyń neǵurlym qoljetimdi jáne tıimdi tetikteriniń biri dene shynyqtyrý men sportpen aınalysý bolyp tabylady, ol úshin azamattardyń salaýatty ómir saltyn ustanýyna, damyǵan sport ınfraqurylymyna qol jetkizýge jáne qazaqstandyq sporttyń álemdik deńgeıdegi básekege qabilettiligin arttyrýǵa múmkindik beretin qolaıly orta qurý qajet. Ol úshin zańnamaǵa ózgerister engizý qajet, - dep sanaıdy Senat depýtattary.
Al 29 jeltoqsandaǵy Senat otyrysynda depýtattar «Qazaqstan Respýblıkasynyń keıbir zańnamalyq aktilerine bilim berý máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń keıbir zańnamalyq aktilerine veterınarııa máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń keıbir zańnamalyq aktilerine maqta salasy máseleleri boıynsha ózgerister engizý jáne «Maqta salasyn damytý týraly» Qazaqstan Respýblıkasy Zańynyń kúshi joıyldy dep taný týraly» jáne «Qazaqstan Respýblıkasynyń keıbir zańnamalyq aktilerine kúzet qyzmeti máseleleri boıynsha ózgerister men tolyqtyrýlar engizý týraly» zań jobalaryn qaraıdy.
