Senatorlar sybaılas jemqorlyqqa qarsy sharalarǵa qatysty qujatpen jumys isteýde
Talqylaý barysynda palatanyń kezekti otyrysynyń kún tártibi boıynsha usynystar qaraldy. 17 qyrkúıekte senatorlar sybaılas jemqorlyqqa qarsy is-qımyl salasyna qatysty zańnamany jetildirý máselesin talqylaıdy. Zań jobasynyń basty mindeti – sybaılas jemqorlyqtyń júıeli túrde aldyn alý boıynsha qosymsha sharalar engizý. Sondaı-aq, aldaǵy jalpy otyrysta «Qazaqstan Respýblıkasynyń keıbir zańnamalyq aktilerine erekshe qorǵalatyn tabıǵı aýmaqtar máseleleri boıynsha ózgerister men tolyqtyrýlar engizý týraly» zań jobasyn qaraý josparlanyp otyr.
Sonymen qatar, senatorlar QR Parlamenti Senatynyń 2020 jylǵa arnalǵan negizgi is-sharalar josparyna ózgerister men tolyqtyrýlar engizdi. Odan bólek, Bıýro otyrysynda Májilisten túsken zań jobalary komıtetterge bólinip berildi.
Halyqaralyq qatynastar, qorǵanys jáne qaýipsizdik komıteti «2007 jylǵy 27 maýsymdaǵy Shanhaı yntymaqtastyq Uıymyna múshe memleketter arasyndaǵy birlesken áskerı oqý-jattyǵýlar ótkizý týraly kelisimge tolyqtyrýlar engizý týraly hattamany ratıfıkatsııalaý týraly» zań jobasy boıynsha bas komıtet bolyp belgilendi.
Qarjy jáne bıýdjet komıtetine «2012 jylǵy 3 mamyrda Lıýksembýrgte qol qoıylǵan Hattamamen engizilgen ózgeristerdi eskere otyryp, 2008 jylǵy 26 maýsymda Astanada qol qoıylǵan Qazaqstan Respýblıkasynyń Úkimeti men Lıýksembýrg Uly Gertsogtiginiń Úkimeti arasyndaǵy Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsııaǵa tolyqtyrý engizý týraly hattamany ratıfıkatsııalaý týraly» zań jobasy tapsyryldy.
Bas komıtetterge turaqty komıtetterdiń usynystaryn jınaqtaý jáne qorytyndylar daıyndaý júkteldi.