Senatorlar ShQO sharýa qojalyqtarynyń ókilderimen kezdesti

ÓSKEMEN. QazAqparat – Parlament Senatynyń depýtattary Olga Býlavkına men Shákárim Buqtuǵutov Shyǵys Qazaqstan oblysynyń Shemonaıha aýdanynda boldy, dep habarlaıdy QazAqparat Palatanyń baspasóz qyzmetine silteme jasap.

Senatorlar sapar barysynda aýdandyq máslıhat depýtattarymen kezdesti jáne jergilikti jerdegi ózekti máselelerdi talqylaı kelip, Palata jumysynyń qorytyndylary týraly habardar etti.

Aýdandaǵy sharýa qojalyqtarynyń basshylarymen kezdesýde olardyń suraqtaryn tyńdady jáne aýyl sharýashylyǵy salasy boıynsha qaralyp jatqan zań jobalary týraly aıtyp berdi.

Depýtattar Shemonaıha aýdanyndaǵy kezdesýlerde kóterilgen barlyq problemalyq máseleler nazarda ustalatynyn atap ótti.