Senatorlar sheteldik jýrnalısterge Prezıdenttiń jyl saıynǵy Joldaýynyń erejelerin túsindirdi
ASTANA. QazAqparat - Parlament Senatynyń depýtattary Birǵanym Áıtimova, Georgıı Kım jáne Sergeı Gromov «100 naqty qadam» Ult Josparyn aqparattyq turǵyda qoldaý jónindegi baspasóz týry aıasynda Qazaqstanǵa kelgen sheteldik jýrnalıstermen kezdesti.
Sharaǵa Izraıl, Qytaı, Latvııa, Majarstan, Malaızııa, Polsha, Fınlıandııa jáne Palestınadan kelgen jýrnalıster qatysty.
Depýtattar kásibı memlekettik apparatty qalyptastyrý, zań ústemdigin qamtamasyz etý, ındýstrııalandyrý jáne ekonomıkalyq ósim, biregeılik jáne qazaqstandyq qoǵamnyń birligi, sondaı-aq esep beretin memleketti qalyptastyrýǵa baǵyttalǵan Qazaqstanda júzege asyrylyp jatqan bes ınstıtýttyq reforma týraly egjeı-tegjeıli áńgimeledi. Senatorlar besinshi shaqyrylymdaǵy Parlamenttiń besinshi sessııanyń basynda depýtattar Ult josparyn zańnamalyq turǵyda qamtamasyz etýge baǵyttalǵan zań jobalaryn qaraýǵa belsendi jumystar júrgizgenin atap ótti. Barlyǵy 59 zańnamalyq akti qabyldandy, onyń ishinde 4 Konstıtýtsııalyq zań, 3 Kodeks, 14 derbes zań jáne qoldanystaǵy zańdarǵa ózgerister men tolyqtyrýlar engizýdi kózdeıtin 38 zań bar.
Joǵarǵy palatanyń depýtattary jýrnalısterdiń saýaldaryna jan-jaqty jaýap berdi, sondaı-aq Memleket basshysy N.Nazarbaevtyń «Qazaqstan jańa jahandyq naqty ahýalda: ósý, reformalar, damý» atty Joldaýynyń negizgi máselelerin sheteldik buqaralyq aqparat quraldarynyń ókilderine túsindirdi.
