Senatorlar Sáıkestigi mindetti baǵalanýǵa jatatyn ónimniń aınalysy týraly qujatty qabyldady
ANA. Sáýirdiń 21-i. QazAqparat /Aıdar Ospanálıev/ - Búgin Parlament Senatynyń jalpy otyrysynda depýattar «Sáıkestigi mindetti baǵalanýǵa (rastalýǵa) jatatyn ónimniń Keden odaǵynyń kedendik aýmaǵyndaǵy aınalys týraly kelisimdi ratıfıkatsııalaý týraly zań jobasyn qabyldady,
dep habarlaıdy QazAqparat.
Otyrysta atalmysh qujat boıynsha baıandama jasaǵan Indýstrııa jáne jańa tehnologııalar birinshi vıtse-mınıstri Albert Raýdyń aıtýynsha, zań jobasy 2009 jyldyń jeltoqsan aıynyń 11-indegi -Sankt-Peterbor qalasynda qol qoıylǵan Sáıkestigi mindetti baǵalanýǵa (rastalýǵa) jatatyn ónimniń Keden odaǵynyń aýmaǵyndaǵy aınalymy týraly kelisimdi ratıfıkatsııalaý úshin ázirlendi. Kelisimdi ratıfıkatsııalaý Keden odaǵynyń aýmaǵyndaǵy ónimniń erkin aınalymyn qamtamasyz etýge jaǵdaı jasap, sáıkestigi baǵalanýǵa mindetti ónimdi Kedendik odaqqa ákelý jáne oǵan múshe memleketter arasynda tasymaldaý tártibin aıqyndaýǵa múmkindik beredi.
Sondaı-aq kelisim biryńǵaı kedendik aýmaqqa ákelinetin sáıkestigi mindetti baǵalanýǵa jatatyn ónimge, sondaı-aq bir memleketten ekinshi memleketke tasymaldanatyn ónimge qatysty qoldanylady.
