Senatorlar Pavlodardaǵy jańa onkologııalyq ortalyqta boldy
PAVLODAR. QazAqparat - Parlament Senatynyń depýtattary Nurjan Nursıpatov pen Manap Kóbenov Pavlodar oblysyna jumys sapary barysynda jańa onkologııalyq ortalyqta bolyp, aımaqtaǵy medıtsınalyq mekemelerdiń bas dárigerlerimen jınalys ótkizdi. Bul jóninde Senattyń baspasóz qyzmetine silteme jasap QazAqparat habarlaıdy.
Oblystyq densaýlyq saqtaý basqarmasy basshysynyń mindetin atqarýshy Ardaq Kúzekovtyń aıtýynsha, onkologııalyq dıspanserdiń bazasynda oblystaǵy medıtsınalyq týrızmniń negizi bolatyn klaster qurý josparlanyp otyr.
Jańa onkologııalyq ortalyqtyń jabdyqtalýy men tehnıkalyq múmkindigin eskergende onda onkologııa salasy boıynsha ǵana emes, basqa da salalar boıynsha naýqastarǵa dıagnoz júrgizip, emdeı alatyny belgili boldy.
Kezdesý aıasynda densaýlyq saqtaý salasyndaǵy negizgi máseleler kóterildi.
Pavlodar oblysynyń dárigerler qaýymy 2020-2025 jyldarǵa arnalǵan memlekettik densaýlyq saqtaý baǵdarlamasymen tanysyp, oǵan joǵary baǵa berdi. Bul baǵdarlama elimizdiń árbir turǵynyn sapaly ári qoljetimdi densaýlyq saqtaý sharalarymen qamtamasyz etýdi kózdeıdi.
Barlyq problemalar senatorlardyń jeke baqylaýyna alyndy.
