Senatorlar orman sharýashylyǵy qyzmetkerleriniń jalaqysyn kóterýdi usyndy

NUR-SULTAN. QazAqparat – Senattyń jalpy otyrysynda depýtattar óz saýalynda Qostanaı oblysyndaǵy qaıǵyly oqıǵalar men elimizde jyldar boıy jalǵasyp kele jatqan orman órtine qatysty máseleni kóterdi, dep habarlaıdy QazAqparat tilshisi.

«2018-2021 jyldary jalpy kólemi 464 219 gektardy quraıtyn 2 438 órt oryn alyp, jalpy shyǵyn 9 167 108 myń teńgeni qurady. ıAǵnı, biz jyl saıyn sol problemadan orasan zor qarjylyq, ekologııalyq, materıaldyq jáne tbasqa da shyǵynǵa ushyrap kelemiz. Osy jyldar boıy elimizde mundaı tabıǵı apattarmen kúresýdiń birtutas júıesi qalyptaspaǵany anyq. onyń ústine, Úkimet áli kúnge deıin ormandy qorǵaý boıynsha pármendi sharalardy júzege asyrǵan joq», – dedi senator Jeńis Nurǵalıev.

Senator jalaqynyń tómen deńgeıi, orman sharýashylyqtaryn materıaldyq-tehnıkalyq qamtamasyz etýdiń nasharlyǵy, kadrlardyń tapshylyǵy problemalaryn aıtty.

«Tótenshe jaǵdaılar mınıstrligine qarasty kásibı áskerılendirilgen avarııalyq-qutqarý qyzmetin qalpyna keltirý qajet, ol respýblıkadaǵy tehnogendik jaǵdaılarǵa jedel den qoıa alady. Kásiporynnyń 13 fılıaly elimizdiń 12 óńirinde ornalastyryldy. Qutqarý jumystaryna jumyldyrý jarııalanǵannan keıin kásiporyn 2 myńnan astam kásibı qutqarýshyny jibere alady», - dedi senator.

Osy oraıda depýtattar orman sharýashylyǵy úshin órt sóndirý tehnıkasyn da, arnaıy tehnıkany jańartýǵa da qarajat bólýdi, orman sharýashylyǵy qyzmetkerleriniń jalaqysyn kóbeıtýdi, órtterdi erte anyqtaýdyń aqparattyq júıelerin engizýdi usyndy. Bul adamı faktordy boldyrmaýǵa jáne tıisinshe órt oshaqtaryna jedel den qoıýǵa múmkindik beredi.