Senatorlar «Memlekettik qyzmetter týraly» zań jobasyn talqylady
ASTANA. 18 naýryz. QazAqparat -Búgin QR Parlamenti Senatynyń Ekonomıkalyq damý jáne kásipkerlik komıtetiniń keńeıtilgen otyrysynda «Memlekettik qyzmetter týraly» Zań jobasy qaraldy.
Zań jobasynyń negizgi maqsaty memlekettik qyzmetter kórsetýdi zańnamalyq retteý, memlekettik qyzmetter kórsetý tártibine qoıylatyn birkelki talaptardy qamtamasyz etý bolyp tabylady. Bul rette kórsetiletin memlekettik qyzmetter salasyndaǵy memlekettik organdar ókilettikteriniń arajigin naqty ajyratý, memlekettik qyzmetterdi, onyń ishinde olardy elektrondyq nysanda kórsetý rásimderin jetildirý sharalary da qarastyrylady.
Zań jobasynyń negizgi jańalyqtarynyń biri - memlekettik qyzmetter kórsetý sapasyna qoǵamdyq monıtorıng, baǵalaý men baqylaý júrgizý.
Otyrys barysynda senatorlar «Memlekettik qyzmet máseleleri boıynsha QR-nyń birqatar zańnamalyq aktilerine tolyqtyrýlar men ózgertýler engizý týraly» ilespe zań jobasyn da qarady.
Atalǵan 2 zań jobasy 28 naýryz kúni QR Parlamenti Senatynyń jalpy otyrysynda qaralatyn bolady.
