Senatorlar «Mádenıet týraly» zańyna qatysty Senat pen Májilis arasyndaǵy kelisý komıssııasynyń usynystaryn qabyldady
ASTANA. Sáýirdiń 29-y. QazAqparat /Aıdar Ospanalıev/ - Senatorlar jalpy otyrysta «Mádenıet týraly» Qazaqstan Respýblıkasynyń zańyna ózgerister men tolyqtyrýlar engizý týraly» Qazaqstan Respýblıkasy zańynyń jobasy boıynsha Májilis pen Senat arasyndaǵy kelispeýshilikterdi eńserý jónindegi kelisý komıssııasynyń usynystaryn qabyldady,
dep habarlaıdy QazAqparat.
Otyrysta atalmysh qujat boıynsha kelisý komıssııasynyń atynan baıandaǵan depýtat Tólegen Muhamedjanovtyń aıtýynsha, aǵymdaǵy jyldyń naýryz aıynyń 31-inde Senat pen Májilis arasyndaǵy kelispeýshilikterdi eńserý jolyndaǵy kelisim komıssııasynyń otyrysy ótti. «Komıssııanyń qaraýyna 11 pozıtsııa shyǵarylyp, onyń 4 pozıtsııasy Senattyń redaktsııasynda, 1 pozıtsııa Májilistiń redaktsııasynda, 6 pozıtsııa birlesken redaktsııada qabyldandy», dedi senator. Otyrysta qujatty jan-jaqty talqylaǵan depýtattar atalmysh pozıtsııalardyń barlyǵy qabyldansyn degen birjaqty toqtamǵa keldi.
