Senatorlar quqyq qorǵaý organdaryna qyzmetke turatyn kandıdattarǵa mindetti túrde polıgrafologııalyq zertteýdi qoldaný tártibin bekitetin zań jobasyn qabyldady
ASTANA. 25 sáýir. QazAqparat - Búgin QR Parlamenti Senaty «Quqyq qorǵaý qyzmeti máseleleri boıynsha Qazaqstan Respýblıkasynyń birqatar zańnamalyq aktilerine ózgertýler men tolyqtyrýlar engizý týraly» QR Zańyn qabyldady.
Zań jobasy elimizdiń «Bilim berý týraly» jáne «Quqyq qorǵaý qyzmeti týraly» Zańdaryna ózgertýler men tolyqtyrýlar engizýdi kózdeıdi.
Zań jobasy quqyq qorǵaý organdaryna qyzmetke turýǵa kandıdattarǵa mindetti túrde polıgrafologııalyq zertteýdi qoldaný tártibin bekitedi. Bul rette zań normalaryna «polıgrafologııalyq zertteý», «psıhofızıologııalyq kýálandyrý» degen jańa uǵymdar engiziledi. Sonymen qatar zań qoldanylatyn jekelegen uǵymdar naqtylanyp, birinshi arnaýly ataq berý, bir quqyq qorǵaý organynan ekinshisine aýysqan kezde joǵary arnaýly ataqtar men synyptyq shenderdi teńestirý tártibi retteledi. Quqyq qorǵaý organdarynyń qyzmetkerlerin attestattaý, qajet bolǵan jaǵdaıda olarǵa qatysty qyzmettik tergeý júrgizý kezinde de qoldanýdy usynady. Budan bólek, quqyq qorǵaý qyzmetinde bolýdyń shekti jasyn ulǵaıtý usynylady.
