Senatorlar QR Ulttyq ulanynyń búgingi jaı-kúıimen tanysty
ASTANA. QazAqparat - 24 qyrkúıekte Qazaqstan Respýblıkasy Parlamenti Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov bastaǵan komıtet músheleri memleket jáne qoǵam qaýipsizdigin qamtamasyz etý máseleleri boıynsha Qazaqstan Respýblıkasy Ulttyq ulanynyń Bas qolbasshylyǵymen kezdesti.
Kezdesý barysynda Ulttyq ulannyń Bas qolbasshysy general-leıtenant Rýslan Jaqsylyqov depýtattardy elimizdiń Ulttyq ulanynyń jaýyngerlik qyzmeti jáne áskerdiń jeke quramyna júktelgen quqyq tártibiniń mindetteri týraly aıta kelip, Ulttyq ulandy odan ári damytýdaǵy keleshekte atqarylatyn ister jaıynda habardar etti.
Senatorlardyń nazaryna tehnıkanyń, qarý-jaraq pen qorǵaý quraldarynyń jańa úlgileri, sondaı-aq Ulttyq ulan qamtamasyz etilgen kıim úlgileri kórsetildi. Depýtattar Ulttyq ulannyń Ortalyq murajaıynda bolyp, quqyq tártibi áskeriniń damý tarıhynan habardar etetin kórinistermen tanysty.
