Senatorlar Konstıtýtsııaǵa túzetýlerdi halyqpen birge talqylaıdy

ASTANA. QazAqparat - Parlament Senatynyń tóraǵasy Qasym-Jomart Toqaev Palata bıýrosynyń múshelerimen jumys babyndaǵy keńes ótkizdi.

Senat basshysy Prezıdent, Úkimet jáne Parlament arasyndaǵy ókilettikterdi qaıta bólý maqsatyndaǵy elimizdiń Ata zańy - Konstıtýtsııaǵa engiziletin túzetýlerdi túsindirýge arnalǵan depýtattardyń 2-10 aqpandaǵy aımaqtarǵa saparyna basa nazar aýdardy.

«Prezıdenttiń bastamasy jurtshylyq arasynda keńinen qoldaý tapty. Usynylǵan túzetýlerdi halyqpen talqylaý, engiziletin ózgeristerdiń máni men maǵynasyn túsindirý depýtattardyń mindeti», - dedi Q.Toqaev.